رحمة سند

البارت الحادي عشر

رحمة سند..
بقلمي رسل..
البارت الحادي عشر..
واتباد rasolaa7

‏حبني استاهل محبتك
صوغني اگلادة لرگبتك
اضحك وتلگاني شاري
وبايع الدنيا بضحكتك..

-شمرت كم صوره على سند.. هاي تاليتها يبن بطني
هاي تاليتها تاخذ وحده لاعبين بيها لعب قبلك انت عود حاسب روحك رجال ماخذلك وحده حتى مو بنيه لا
شوفهن زين يالخنيث مرتك لاعبين بيها الا كايلين بس
وخابصني بيها رحمه ورحمه هي هاي الي
كرعت روسنا عليها شوف الصور يبن بطني
شوفهن..

-اباوع عليها واحس كل شيء توقف عندي دموعي نزلت واني اشوف الصور الي صارن عار يعيروني بي واني ما الي ذنب شنو ذنبي صديقتي وحده
قذره شنو ذنبي يطلعلي واحد نذل ويدمر حياتي مثل قيس..

-زين ليش اني شسويتلها الله مو يحب الستر ليش هيج تحجي وكانو مفتخرة لكت شيء ضدي هالشيء يأذيني وعبالك يتقصدون كل مره يفتحون جروحي بيهن..

-كرهت روحي وهي مستمره تحجي بس اني فاصله كلامها يقهر الظلم يأذي وبس اباوع عليه شنو ذنبه يسمع هالكلام من ورايه شنو الي سواه غير عمل باصله وستر عليه وهي حجت كلام ما يتحمله
اي رجال جان كلامها مثل السجاجين وهي تشمرهن علينا هو التفت عليه عيونه حمر حجاياتها لامه بالعضم ومقهور اني من يمي انقهرت شلون هو .. هاي تاليتها اتعير من وراج رحمه
اسمع هيج كلام من امي من وراج ليش ولج ليش حجاها وعافني وطلع وعمتي مستمره تحجي
وراه هو الظاهر بعد ما يتحمل كلامها..

-غصيت بالبجي الموقف الجنت بي حسيت روحي حشره وفد شي قذر بس اني ماسويت شيء غلط ليش هيج يصير ويايه ما صدكت خلص هالحادث صفحه وانطوت من حياتي رجعتلي واقوى من قبل وهالمره وكعت بيد عمتي اكثر شخص يكرهني بالحياه
اكثر شخص يدورلي الزلة ولكتها
والله وانتصرت عليه..

-تقدمت عليه وسحلتني من شعري وهي تفشر وتغلط.. اني اكول ماخذه عقله ثاري دعاره حضرتج
وهاللي ضاحكة عليه ولج انتي تستاهلين ابني شلون ضحكتي عليه ساحرته مو
ادبسز شلون قبل بيج احجي..

-شحجي وياها اني سند كوه فهمته ومرات احسه ما
مصدكني عمتي شلون بالكوه هديت روحي من ايدها دفعتها برا الباب وقفلته جنت منهاره منها ومن اسلوبها
وياي وهي ضلت تصيح وتدعي
صوتها احسه يصدع راسي تحسسني وحده قذره
اريدها بس تسكت وهي بعد ما صدكت لكت شيء
على رحمه..

-تلفلفت بفراشي ولزمتني رجفه لاول مره حاولت
وجاهدت ما ابجي على الي ديصير بيه ربي اني راضيه بحكمتك بس الي ديصير هواي كلش هواي
عليه وتعبت حتى من روحي تعبت..