رحمة سند

البارت الثاني عشر

رحمة سند..
بقلمي رسل..
البارت الثاني عشر..
واتباد rasolaa7

خذنيَ يمك
ألوآدم صغآر
أعلى حضني
وأنت كدِي..

-هو كام على حيله وحجه بغضب.. يمه حجيتها واعيدها الج هالموضوع ينسد 
وما اريد اسمع بي مرة ثانية واذا انفتح مرة اللخ يصير حجي ثاني
وساعتها ما ابقى بهالبيت ساعة وحدة..

-هيج يمه سند هيج تحجي ويا امك علمود هاي هزت ايدها نوب ما راضي احجي
على موده..

-يمه الخاطر الله سدي السالفة سديها شحجيت اني وياج والي تكولين عليها
هاي وتردين تفضحينها عرضي هاي يمه عرضي..

-صار نقاش بينهم وهو مصر انو ما تشوفه
بعد اذا حجت وهي زعلت وطلعت بس بعد ما
اكد عليها انو ما تحجي..

-اني موقفي لا احسد عليه احس الموضوع هذا اخذ من حيلي واني مثل الي مربطينا
بحيث عمتي شكد حجت ما كدرت ارد عليها موقفي جان صعب وهو اصعب حال مني
بحيث احسه كاعد على اعصابه والاصعب انو عمتي جانت متشمته بيه..

-دك جهازي وجانت زهراء اخذته ورحت للغرفة جاوبتها وهاي هم ابتلت بيه خطيه
تسال عن عمتي وعن سند وشصار طمنتها
وهي كالت ديري بالج منها سديته منها
وتنهدت واني ما اعرف شنو تاليها ويا عمتي الي ما ناويه ترحم بحاتي..

-شوي ورجع دك تلفوني رفعته وجانت امي.. الي بعد ما سلمت كالت.. رحمه خما بيج شيء كلبي ناغزني عليج؟!..

-لا ما بيه شيء اسم الله على كلبج شكو؟!..

-يمه حلمت بيج حلم مو زين  وكلبي مقبوض يمه امانه خما بيج شيء سولفيلي اني امج
لا تضمين عليه..

-بعد روحي كل شيء ماكو لا يضل بالج
هو حلم لا تفكرين هواي..

-صفنت شلون كلبها حاس بيه اتمنى اكلها يمه تعبانه يمه مو بخير اني يمه بنتج متاذيه ومجروحه بس ما اكدر اخاف عليها ومن
جهه ما اكدر اشكي من عمتي لان اعرفها راح تلومني واني مو حذرتج منها وانتي الي قبلتي..

-ذبيت التلفون وكعدت كبال سند الي جان
يقرا قرآن من كدما بالي جان مشغول ما دريت بي من صعد من كعدت هو رفع صوته  اني اسمع وادعي ربي يهديها عليه وكون ما
تسببلي مشكله ولا تفضحني لان ساعتها لو سوتها اني انتهي
جان الضوه كبال عيني شوي شوي حسيت ضل حجبه عني رفعت راسي وشهكت من الي شفته شهكت واني اشوف ذاك النجس  اخترعت ضليت اصرخ وارجع ليوره وهو يتقدملي ايديه  احس بيهن يتلمسن جسمي وصوته الي يكزبر جسمي يهمس..  ماعوفج
ابد ويهمس بكلام حقير..