رحمة سند

البارت السابع عشر

رحمة سند..
بقلمي رسل..
البارت السابع عشر..
واتباد rasolaa7

تجي من الله التعب وياك
حرز مشدود بمتونك
ما مكتوبلك ترتاح..

-شوف اثنينا نعرف شنو الجواب أعتقني اني ما اناسبكم من البدايه واضح بس اني تناسيت وهسه هالواقع ضربني راشدي معدل اهلك مستحيل يحبوني وانت نفسك ماعندك ثقه بيه خلصني واخلص مني سند..

-هو سكت رجعت كملت.. انطيني شيء واحد يجبرني اتحمل وعلى مود شنو انت اول واحد تشك وما عندك ثقه ولتكلي حب ماكو فايده من الحب بلا ثقه لان اذا ماكو ثقه بيناتنا
صدكني لا راح يفيد الحب ولا نرتاح..

-وراح احجيها الك من الاخير يا تثق بيه شويه وتعرف انو اني من اني بنيه ما سويت هيج ولا رخصت نفسي فما راح اسويها واني على ذمتك او تكول لا والله ما اكدر واني الي سمعته وشفته صعب ينسي او راح تضل
تسمعني كلام ف طلكني واحسن للطرفين
ومثل ما كتلك والله فضلك ما راح انساه
بس صعب نستمر وانت تشك بيه اني الي
بيه مكفيني..

-هو باوعلي وعينه اكلتني مره تجي عينه على شفتي مره على الفتحه تنهد.. يصير خير حجاها وطلع..

-هو طلع واني الابتسامه شكت حلكي
اول مره اتعامل بهالطريقه واحس انو اني مو غلط ولا اني ضعيفه واني اكدر اخذ حقي بايدي بالبداية جنت مترددة بس من حجيت
وطلعت الي بداخلي كل ترددي راح واني
افكر انو هالشيء لازم يصير ومن صالحنا. اثنينا لان بدون ثقه مستحيل اقبل ارجع
لو مو يحبني..

-اني انسانه تعبت من نفسي من الناس
وكوه جاي اقاوم من سويت هالشيء حسيت
بقوة واتمنى يصير الي بي خير النا لان اريد
سند يصير سند الي ويحتويني بحيث بدون
ما اتردد احجي اله كل شيء مو يصير مصدر خوف
ويعدم شخصيتي..

-ماما كالت.. وصلتو لشنو وشنو حجيتوا..

-ما وصلنا لاي شيء بعدنا بس حجينا
هي كالتلي بس اريد افهم شنو الي بالج انتي..

- الي بالي يوم انو اصلح الوضع يعني قابل نضل هيج..

-شلون ما شوف راح تخربين كل شيء وهزت ايدها وراحت..

-يارب القوة منك واصلح حالنا ما اريد احد يتشمت بيه همست بيها و صعدت بدلت هدومي ومسحت المكياج وخابرت على زهراء وكعدت حجيت الها كل شيء هي
ضحكت..لبستي هالفستان وطلعتيله عزا بعينج
الله يعينك يسند..

-اي ويستاهل اريد اخلي حد كافي مستهين بيه..

- رحمه عاد وحطت شيء براسها اني وياج
علمي يحترمج ويبطل يشك بيج بس هم مو تروحين زايد ترى كل شيء اله حد لا تهجمين
بيتج وتخسرين رجال يحبج..

-شبيج زهراء ترى اعرف حدودي كلش زين بس لازم اخلي يقرر صدكيني احسن الي واله حياتيش الي تنعاش بالهم والشك تدرين اني طول ما اني يمه ما حجيت وياه بهيج موضوع جنت اسكت واكول مو مشكله وخطيه بس هو ما خلالي خاطر ف اريد اوضحله الوضع شنو انو اني هم الي طاقه وهالطاقه خلصت..