رحمة سند

البارت الرابع عشر

رحمة سند..
بقلمي رسل..
البارت الرابع عشر..

واتباد rasolaa7

ضــــل ويــاي
مــا اضــيـعـك بــلايــه وداع 
اشـــوفــك  رحـمة الله
الـرحـمـه ما تـنبــاع..

-اهلي راحوا ناموا  واني عزلت البيت   وصعدت للغرفة قبل لا اغفى دك تلفوني جان حيدر المتصل رفعت خط واجاني صوته الي بي نبره خوف وقلق ما ميزت 
شنو يحجي بسبب صوت زهراء الي جانت تصرخ..

-شكو شبيها زهراء شصاير؟!..

-هو حجه بقلق.. يمكن صارعدها ولاده وتريدج رحمه تحضري جايج بالطريق لا تأخريني..

-سديت الخط وركضت كعدت بابا الي كعد مخروع.. شكو بابا ؟!..

-ب بابا يمكن  زهراء صار عدها ولاده هو حجه بتفاجؤ.. ولادتيش بعدها بالسابع شبيها اختج..

-ما دري والله بس هسه حيدر جاي علينا  ياخذني كال تريدج وياها..

-هو كال يلا يابه لعد خلي نلحك عليها لا تاخرينهم راح يغسل وجهه واني لفيت الحجاب شلون مجان ولبست العبايه شوي ودك تلفوني رفعته واجاني صوته المتوتر.. اني بالباب بسرعه اطلعي..

-طلعت وبابا كال اجي وراكم لان يجيب ماما وخاف نتأخر كعدت يمها جان منظرها مرعب تصرخ صريخ مصاير وهو عينه عليها ويفشر على روحه كل شوي وكال الله ياخذني اني شسويت بيها صريخها وخوفه هو وتروني اهدي بيها وهي خطيه انتهت فرد مره من الوجع بالف ياويل وصلنا للمستشفى دخلوها فحصتها الدكتوره كالت عدها ولاده مبكره اخذوها ودخلوها صالة الولاده واني وحيدر بقينا برا اباوع على حيدر شلون انهار وياها ما يعرف شنو يسوي ضليت اني ادعي الله يسهلها وتجيب بسلامه..

-لحظات قلق وخوف واحنا منتظرين احد يطمنا عنها طلعت الدكتوره ركضنا عليها هي كالت.. راح نحولها عمليه امشوا بالاجراءات بسرعه..

-حيدر بخوف.. ليش خما بيها شيء احجي دكتوره رحمه لاهلج..

-ما كدرنا نجيبها طبيعي تعسرت ولادتها.. هي حجتها واحنا انتهينا من الخوف هاي مو بس اختي هاي صديقتي وامي الثانيه اباوع لحيدر الي وجهه صار اصفر وهو يحجي وياها تالي راح وياها علمود اجراءات وهالامور واني رجعت كعدت ولساني يلهج بالدعاء  يارب تكوم بالسلامه هي واطفالها..

-شوي واجوي امي وابويه وسند الي راح على حيدر وحاط ايده على كتفه ومدري شنو يحجي ويا صارت عينه عليه للحظات صفن عليه وبعدها رجع تجاهلني تنهدت وقررت احاجيه بس مو هسه بس خلي تطلع زهراء بالسلامه..

-بقينا واكفين ننتضر لا ساعه ولا ساعتين خوف توتر وكلها تدعي من بعد ساعات صبر وقلق طلعت الدكتوره الي كلنا تجمعنا يمها وهي بشرتنا وكالت الحمد الله ولدت بخير وسلامه وهي بخير بس الاطفال شويه وضعهم مو تمام راح يبقوهم بالخدج..