رحمة سند..
بقلمي رسل..
البارت الاول..
واتباد rasolaa7
روحـَي ياروحـُي شبعّد بيهـٰا وألمهـَا
روحـَي داسـُوا فوگهـٰا وكسروَ عظمها..
احد مناطق بغداد
بعد انتهاء الدوام بساعات قليله..
-صعدت بالسيارة وعيني وراهم شلون دفعني وتركني بالشارع وراح
وكانو ما مسوي شيء
وكانو ما تركوا وراهم
روح جريحة دنسوا براءتها بقذاراتهم واتذكر تهديده..
-اذا فتحتي حلكج بكلمة ويأشر بيده كلمة وحدة بس
ذني تلكينهن بكل المواقع
بكل سهولة وتعرفيني من اهدد انفذ جان يحجي ويشوفني الصور والفيديوهات الي تدل على عملته
الخسيسة بيه
الي تدل على وحشية البشر بوقت الي تغلبه الشهوة
ويتمكن منه الشيطان..
-حتى ايده بستها بوقتها وما رحمني رددت هواي
ابوس ايدك لا تفضحيني حرام عليك يذبحوني
اهلي والله يذبحوني بس الي انتزعت الرحمة من قلوبهم
صعب الكلام وياهم..
-جان الولد الي يسوق مو صاحب فضول والحمد لله
هالشيء جان الصالحي لان ما اعرف شنو احجي رغم
اعرف هو فهم كل شيء من حالتي وحدة وكاعده
بنص الشارع ومنهاره بالبجي قابل شنو راح يكول
عني والله ينطي هو اجه عليه وضل يسال اني
ما حجيت غير..
-وديني لاهلي الله يخليك وديني لاهلي اردد بيها
بروح موجوعة وعين متروسة دمع..
-هو كام ورجع التفت.. بس اجيب السيارة واجي
انتظري خوية ماشي..
-هزيتله براسي وهو راح شوي ورجع وبيده
عباية مدها اليه لبستها بدون نقاش وصعدت ويا
يمكن جان اكو شيء ظاهر مني
او يمكن ملابسي واضح عليهن اثار الكلب رغم هو
ما مزقهم
بس روحي جانت هايمه وبس دموعي الي تصب
انطيته عنوان بيت اختي وهو انطلق الهم وما اعرف
شنو نهاية هذا اليوم الي ما اتمناه العدوي..
-من وصلنا هو حجه بعطف.. محتاجة شيء
اعتبريني اخوج ولا تخجلين احجي الي بخاطرج..
-تنهدت مشكور ما قصرت ما اعرف شلون اتشكر
منك بس هيج حجيت ونزلت هو من وصلت يم الباب
راح دكيت الباب واني اجاهد روحي ما اوكع من
طولي..
-فتح الباب حيدر رجل اختي نظراته عليه بقلق
واستغراب.. شصاير ولج شبيج رحمة؟!..
-زهراء هنا ولا كانو سالته هو ضل يصيح شبيج
رحمة منو وياج.. واني بس اردد زهراء هنا
زهراء هنا صرت مثل المقطع الصوتي الي يتكرر
ما جنت اكرر غير بس زهراء هنا..
-هو فوتني جوه وصاح ولج زهراء تعاي شوفي اختج شبيها هي طلعت ركض باوعت عليه اني بس شفتها شهكت وركضت حضنتها وشبعت بجي..
- شكو شبيج شصاير اني ماحجيت ولاكلمه بس ابجي هي اخذتني الغرفه فارغه مخليها للخطار كعدتني بيها وضلت يمي تحجي تريد تفهم اني شبيه ماحجيت بس دموعي تنزل وصافنه بالفراغ بس بداخلي حروب
طاحنه وعقلي مزدحم بالافكار اخاف احجي واهلي
يذبحوني اخاف اسكت وهالسالفة ما ينسكت عنها..
