رحمه سند..
بقلمي رسل..
تكملة البارت السابع عشر..
شماته وليل غربه
وجلمة الياحيف
يلتمن دمع
ويطيحن بخدي..
-اول ما طلعنا وصعدت بالسيارة انهاريت بالبجي
بجيت من كل كلبي هو فتح الباب وكعد بصفي ويحجي بخوف وقلق.. رحمه منو وياج ما تحجين
مو شلشتي عقلي احجي حبيبتي منو وياج..
-من بين دموعي حجيت.. شفته سند شفته هو
والله هو عقد حواجبه منو الي شفتي شبيج....
-هو يحجي ويريد مني جواب واني انهاريت الانهيار الي جنت كاتمته بجيت من كل كلبي واني ما اعرف ليش طيفه مراضي يفاركني وليش كل ما اتناسى يرجع يصير شي يذكرني بيه والله تعبت مسحت دموعي وكتله.. قيس اني حجيتها وهو فتح عيونه على وسعها.. لا تخبليني شلون شفتي وهو يمي بالقسم..
-صورته شفت صورته..
–هو تنهد.. صدك تحجين رحمه وكعتي كلبي كل هالهوسه على مود صوره بس الف فكرة اجت على بالي اريد بس اوصل واشوف شييج منو وياج تالي شايفه صورة مو كتلج يمي وطيحتلج حضه..
-باوعت عليه ما عرفت شكله هو صح ممكن تكون سخيفه بالنسبه اله بس الي تمثلي انهيار هو ما عاش الي اني عشته لهذا ما راح يفهمني هو ما يفهمني شكد اخاف اني شفت صورته وانهاريت احسه هو موجود مو صورته قيس صار كابوس خانكني واليوم بشوفته تجدد كل خوفي..
-هديت شوي اخذت نفس مسحت دموعي وباوعت بالمرايه مال السياره مسحت الكحل ورتبت روحي وبقيت ساكته انتضر الشهكه تروح مني وارجع للبيت مال خاله لانو اذا ابقه وياه ارتكب بيه جريمه هالبارد هذا فتحت الباب دانزل لزمني.. يواشج يابه شو فالته فرد مره هاهي كاعده ولا كانو موجود وفوكاها راح تعوفيني وتروحين..
-اذا ابقه وياك ارتكب جريمه شكو باقيه يمك اذا انت هيج مستهزا بيه هو ضحك.. اي والله ارتكبي واني سجانج يحلو..
ـ صدك كلمن يغني على ليلاه سند اريد ارجع لبيت خاله..
-مسح على شورابه وكال.. من اكوللها فالته ومحد ضابج تزعل مني شنو مخابرتني شنو اريد اروح شبيج انتي رحمه..
-تنهدت بقهر نرفزني حيل داتتجاوز كلش ترى..
-صاح.. لا بربج جابتني وتريد تنزل ولابخه وجهج لبخ وطنين حمره المن عاجبج يباوعون بوجهج عاجبتح نظراتهم شنو هالمكياج..
-ضليت اباوعله مصدومه شنو عاجبتني نظراتهم شنو هالكلام فتحت الباب بلا ما اباوعله ونزلت وهو يصيح وراي وحجييه يدك براسي وكفت يم الباب مو عارفه شلون راح ادخل واني بعدني ما مستوعبه الي كاله ومصدومه صدمه بس الله الي يعلم بيها تاليها هالحجي يطلع من الشخص الي هو المفروض اكثر احد عارفني شنو وعارف اخلاقي وتربيتي ياربي راح اتخبل ليش لهالدرجه متمسك بيه لمن اني لهالدرجه منحطه برأيه اخذت نفس ورفعت راسي..
