رحمة سند

البارت الثالث

رحمة سند..
بقلمي رسل..
البارت الثالث..
واتباد rasolaa7

حادثة واحدة تعود بعدها
حاملاً خمسين عاماً على كتفيك
أنتَ الذي لم يتجاوز عمرك العشرين بعد..

-مالج علاقه بشلون بس اتاكدي ما انخلق لسه الي يندك بحرمتي ويطلع سالم هيته هي يدك دكته الناقصة
ويطلع كبالج امشي رحمه اتاخرنا..

-سكتت ما حجيت شيء رجعت صعدت وهو
رجع لمكانه وانطلق نص الطريق وباوعلي من المرايه..رحمة..

-ها..

-ليش تنهد ليش هيج سويتي بروحج؟!..

-صفنت عليه شوي ورجعت نزلت عيني ومجاوبت اعرف مراح يقتنع ما اعرف ليش ما مصدكني
رغم حجيت كل شيء اله بس الظاهر بعد هو
اخذ نظرته ومع الاسف جانت خاطئة..

-هو هم سكت ما رجع سال اصلا اني وين وهو
وين احس جسمي كله يرجف وخايفه شلون راح ادخل للجامعة شلون راح اكدر امتحن واتناسى شوي الي صار..

-وصلنا وهو نزل وياي وكفت يم الباب وما عندي
القوة ادخل هو اخذ ايدي بين ايده وحجه بهدوء.. شحجيت اني قبل لا نجي رحمة ما يستاهلون
تضيعين تعبج وفرحة اهلج علمودهم يلا كولي
يالله وفوتي وها اريدج ما تركزين غير بس على
امتحانج ترى ما اسويلج عرس بس ترسبين حجاها
ببسمه..

-ابتسمت.. شكرا سند شكرا على كل شيء
والله لوما انت وزهراء ما اعرف جان شصار بيه..

-يلا للقاعة اتقدمت واحس كلامه شوي ريح بالي
التفتت على صوته.. ها..

-بالج خلي بس يم الامتحان ولا تخافين اني يمج..

-هزيتله براسي وهو ضحك فتت للقاعه كعدت على استولي واني مخليه تركيزي بس على الي كدامي ما اريد لا المحها ولا اريد شيء يذكرني بيها يا ما اعتبرتها اخت وصديقه اسراري تالي انغدر منها
وبموقف ما انحسد عليه..

-انتظرت يبلش الامتحان ربع ساعه وبلش وتوزعت الاساله وجانت صعبه الى درجه لاتطاق اكثرية الاسئله معرفتهم جوابي جان مجرد على كد النجاح سلمت ورقتي وطلعت واني احاول ما التفت على اي شخص من طلعت فعلا جان سند كد كلامه وهو
وصلني ووجوده وياي بهاي الفترة خفف هواي
من الضغط الي عليه لان جنت منهاره واكبر مخاوفي شلون راح اكدر اداوم..

-وكذلك مرت اغلبيه الامتحانات مجرد درجه نجاح خلصت امتحانات وخلصت نص سنه
نص سنه غيرت هواي من رحمة
خلتني شبه انثى
خلتني بموقف ما جنت اعرف شعوره شنو مجرد
جنت اسمع عن بنات يتعرضون الهيج شيء
او بالافلام اما الواقع مر وما اتمناه العدوي
صعب كلش صعب الي شفته..

-بعدها بفترة اجه الوكت الي نحدد بيه العقد وهالامور اجتنا امه لسند الصراحة مرة ما يستلطفها الواحد
لان عدها نوع من الغرور جانت لابسه ذهب اله كايله بس وماعرفت شنو الحكمه من الموضوع وتباوع صفح معاجبها..