رحمة سند

البارت الرابع

رحمة سند..
بقلمي رسل..
البارت الرابع..
واتباد rasolaa7

يا ايها العمر السريع خذلتني
ووضعت احمالا على احمالي
خذني الى عمر الصغار لانني
لم انتهي من ضحكة الاطفال..

-حسيت على لمسات على وجهي اشوف وجهه
سند بس اني بين النايمه والكاعده رمشت بعيوني
وحجيت بنعاس.. ادري شنو حتى بالحلم تطلعلي..

-هو ضحك بصوت من كل كلبه.. صحصحي 
يابه مو حلم..

-من سمعت صوته واستوعبت الوضع غمضت عيوني بفشله ومن صدك اجيت ابجي كل مواقفي ويا تلعب
النفس ياربي هسه شيكول عليه نوب هو خلصها يضحك عليه..

-بعدها ضل صافن لدقايق نضراته نضرات هايم
ثواني ورجعت نظرته حاده.. لازم منايمه البارحة؟!..

-هزيت راسي اي..

-ليش بلا ست رحمه شايفه روحج السهر شنو
مسوي بيج؟!..

-تنهدت.. ما اكدر انام من الكوابيس..

-تعدي كم مره كتلج لا تفكرين هواي وباجر مو مال متنامين نامي زين..

-ليش؟!.. حجيتها هو كال اجي عليج ناخذ التحاليل وهالامور ونعقد محكمه..

-ان شاء الله بس كلت لابويه..

-طبعا شيء اكيد لازم ينحط بالصوره مدامج ببيته ماكو شيء يصير بدون علمه..

-ابتسمت وحمدت ربي انو خلاه بطريقي الصراحة
انسان فاهم و يحسب حساب لكل شيء..

-باس راسي وكام.. نامي مو زين عليج التفكير الدكتوره شكالتلج ليش تردين تدمرين نفسج
لا تخافين اني وياج عوفي كل شيء عليه وغمضي
عينج مرتاحة وهسه يلا خلي اروح الجماعة
منتظريني اودعناكم..

-همست بحفظ الرحمن هو التفت عليه
وابتسم وطلع..

-الهوسه خفت خالاتي باركن وراحن قبل لا اصعد
ارتاح صاحت عليه امي.. تعالي اكعدي احجي وياج..

-رغم جنت هلكانه تعب بس رحت يمها لان عرفت
من نظراتها وراها تحقيق هي كالت.. يمه اني مو غشيمه وانتبهت على نضراته الج مو مال مابينكم شيء احجيلي الصدك رحمه شنو بينج وبين سند..

-بقيت صافنه ما اعرف شحجي التفتت على
زهراء الي ضحكت وتاشرلي شيخلصج من
استجواب الوالدة..

-يوم والله مابينا شيء بس لو اعرف ليش هيج
تحجين والله ماكو شيء..

-اش متقنعيني اني اعرف هالنضرات شنو معناها
الولد واكع على وجهه وهي تكلي ماكو شيء
ضلت تحجي وتستجوب واخذتني سين وجيم واني اعيد واصقل مابينا شيء كوه يلا عتقتني
والله امي لو يشغلوها بالاستخبارات احسن هو
اني ما انتبهت لنظراته بكدها بس هاي امي تحب
تحافظ علينا وتكره العلاقات وهالسوالف لهذا
جانت شاكه..