رحمة سند..
بقلمي رسل..
البارت السادس عشر..
واتباد rasolaa7
خلص
درب المحنــه
وناس عافت نــاس..
–دخلت امي وتهدي بيه وتحجي واني بالي مو يمها من الالم لزمت راسي واصيح من الالم.. يمه راسي راح يموتني راسي يوجعني جان الالم يذبح وهي خطيه انشدهت توصل للباب وترجع عليه....
-اني جنت ابجي من وجع راسي .. يمه رحومه اصبري اروح اشوف طبيب واجي هزيت راسي ب اي من الالم ما اكدر احجي..
-طلعت وشوي ورجعت و الدكتوره وياها تقربت عليه.. شبيج شنو الي يوجعج؟!..
-راسي دمرني كلش يوجعني هي قاست ضغطي وبسرعه خلولي مغذي واني احس بعد ما اشوف من الم راسي وروحي الي تعبانه..
-كعدت يمي.. امي شصاير وياج ليش هيج ضغطج معلك تدرين من كثر ما مرتفع لو ضال اكثر من هيج يضر كلبج..
-تنهدت.. دكتوره خسرت طفلي قبل ما اعرف انو جنت حامل..
-خلت ايدها على ايدي وحجت بحنيه.. صدكيني يا امي كل شيء مو زين يصيبنا او احنا نضجر منه و بعضنا يعاتب رب العالمين بي ربج اله حكمه بي وجوز دفعة بلاء عن الاسوء خلي ثقتج بربج جبيره ويا عيني ديري بالج على روحج ماكو شيء يستاهل هيج تسوين بروحج اهم شيء صحتج..
-بجيت.. دكتوره مراح تفهميني ولا تفهمين الي بيه..
-فاهمتج ليش ما افهمج بس انتي لا تكبرينها وتأذين نفسج انتي مو اول وحده تسقط ولا اخر وحده اني قبلج مريت بهالشيء وصار عندي اجهاض وحاسه باحساسج لهذا داكلج خلي ثقتج برب العالمين جبيره
لان ربج بس الي يعرف بالصالح الج..
-ونعم بالله حجيتها وهي كامت.. مثل ما وصيتج اهم شيء صحتج وبعدج صغيرة لاحكه على الأطفال وهوستهم.. تشكرت منها وهي طلعت..
-اعرف انو هذا قدر وجان لازم يصير والله اله بي حكمه بس مع هذا اني مداكدر اطفي النار الي مشتعله بداخلي منا سند وكلامه الي مثل السجين ونبتت بكلبي ومنا الطفل الي خسرته بدون ما اعرف بي..
-بعدت عني هالافكار الي تأذي راسي ووكلت امري لربي الحمدالله والشكر على كل شيء..
-سند بعد ما شفته عرف بس يغثني ويطلع قررت اطلك منه ماكو شيء يجبرني ابقه ويا ومدامه مواثق بيه مو لازم ما توكف الدنيا عليه اني كل شيء اتحمل والله بس انو هو يفكر هيج بيه شلون كدر يعمق جراحي بكلامه هذا شلون واني والله جنت ما ادري..
-ثاني يوم طلعت من المستشفى وامي رجعت للبيت وياي بس زهراء طمنت عليه و رجعت لان حيدر ما
يكدر للجهال وحده..
-اما اني رجعت لغرفتي بروح خاليه هالغرفه الي شهدت اسوء واحلا ايام حياتي مددت واريد بس انام هيج كون انام نومه طويله تنسيني كل همي كون اكعد والكه كل الي عشته بهالكم شهر حلم
و اكعد مثل كل يوم اروح للجامعة واكبر همومي اجاوب اصعب امتحان
افتح عيني واشوف سمرا صديقتي الي ما متوقعه يطلع كل هذا منها
بس هيهات الواقع مر وتبقى كل هاي امنيات نتمناها ونسبقها بكلمه لو هالكلمه الي لو حطينه روحنا بيها
ما يفيد بعد..
