رحمة سند

البارت السابع

رحمة سند..
بقلمي رسل..
البارت السابع..
واتباد rasolaa7

شلون اتلاحك الـ بالروح
يتكسر
وانا خواف من صغري
ما اتلاحك الماعون من يطيح
اغمض عيوني
واتكتر..

-بقينا نحجي وشوي صاح عليها حيدر الي ما قبل
يبقون اكثر تعذر وكال غير مره نجي ان شاء الله
طلعوا واشوف سند  عاقد حاجبه و صافن
وكانو اكو شيء مضايقه او صاير شيء..

-كعدت يمه.. سند حجيتها وهو جان صافن
رجعت عدتها.. ها عيني..

-شبيك صاير شيء؟!.. هو كال ماكو شيء
شكو يعني..

-اصريت عليه يحجي لان وضعه جان مبين اكو
شيء هو ما حجه كام اخذ سويجه وطلع..

-خلاني مشتعله بنار وعقلي صار بي ازدحام
من الافكار وما اعرف شنو حجه اله حيدر وهيج
نكلبت احواله وليش ما حجه شيء واتهرب من
الجواب وطلع من البيت كله..

-تأخر برا اتصل على تليفونه ويطلع مغلق
انتهيت من القلق لساعة 11 بالليل يلا اجه وهم ما
حجه شيء مجرد ذب سويجه ومدد..

-كعدت يمه.. متعشي لو اصبلك عشه؟!..

-ما اريد كل شيء ما اريد حجاها واني تنهدت
ياربي شبي والله جان مثل الورد.. سند فدوه كلي
شبيك طلعت ضايج وماحجيت وتاخرت كلش
بالي يمك احجي اكو شيء..

-لا تشغلين بالج سالفه بالشغل ماكو شيء.. حجاها
واني ما لحيت عليه اكثر مبين ميريد يحجيلي..

-سحبني عليه وهمس بتعب..محتاجج رحمه..

-رجف جسمي وباوعتله بنظره خوف ما اتحمل
والله ما اتحمل يتقرب مني هو رجع همس.. مو الي
بالج كل شيء ما اسوي بس اريدج تبقين بحضني ما
اريد شيء بعد منج..

-بقيت بحضنه بالبداية جنت متقلصه وخايفه لشوي أمنت وهدئت ضل بس نفسنا مسموع واني بموقف لا احسد عليه من جهه خوفي ومن جهه مقهوره عليه وهم اخاف يفهمني غلط اني مو ما اريد وجوده وقربه
بالعكس وجوده امان بس مو بيدي الخوف ناتج
من نفسيتي الي تدمرت..

-جان يحجي بهدوء ويقربني اكثر على حضنه.. شبيج
  احسج مو طبيعيه شلون الي ضام حجي وميعرف شلون يكوله..

-رفعت عيني بعينه شعرفه  لهالدرجه يعرفني
شبيه ويحس بيه رجعت نزلت عيني وما حجيت
شيء هواي الي بيه وصعب اشكيله هو هم ما رجع
سال..

-فزيت الصبح  فتحت عيوني بانزعاج واشوف سند  منتجي على ايده وايده الثانيه تلعب بشعري.. صباح الخير..

-صباح النور حجيتها بس من وره خشمي ما ادري
شبيه احس مخنوكه و مو طايقه روحي وخايفه
عبالك واحد لازم كلبي وقابض عليه كل قوته لا
ارادي بجيت هو خطيه انصدم.. هاي شبيج رحمه
ليش تبجين يوجعج شيء..