رحمة سند..
بقلمي رسل..
البارت الاخير القسم الاول..
متيهين
بعدنه احنه
وبعدهم
والحزن بربين
امشيلك عمر والدرب
دمعة وطين
لا فاح الفرح بينه
ولا تعبت صوانينه
نسافر
والمتاع سنين
تره متيهين
نمشي وبالضوه متيهين..
-باوعت عليه وهو من شاف امي معصبه تنهد وطلع وبلشت تحقيق امي وهالوضع معاجبني ولو يحلها لو يعوفج وامه ما راح تخلصين. منها هاي اذا مو من وره سحورتها هيج. حالتج واني ما اكدر ارد عليها كمت جبت
الدفتر وكتبت..
-بس يمه هو كال ان شاء الله بس نشوف سالفة صوتي
يحجي ويا بابا ويرجعني هسه حجينا..
-بس يا امي انتي متوالميهم هو الرجال ما ينعاب ما اختلفنا بس انتي كاعده ويه امه اكثر منه نفسه ما دامها ما تريدج راح تبقى وراج وما ترتاحين فكري زين يمه حجتها واني..
-تنهدت وكعدت تعبانه كلش وما اعرف تاليها شنو من جهه
سند وحبه ومن جهه امي من حقها وما تنلام عمتي ما تريدني ولا تطيق شوفه وجهي على كعدتي وامي بصفي فجأة صار كبالي ضل مره لابسه اسود طويله كلش وضخمه وشكلها يخوف تمشي وتتقرب
عليه والابشع والي يخوف اكثر انو يطلع من جوه عبايتها حشرات اريد اكوم ما اكدر مثل الي انشليت واختنكت بس اريد اصرخ اريد اكلهم عنها صوتي ماكو بس ابجي
واحس روحي مربطه وهي تتقرب مني انتهيت صارت
امنيتي المستحيلة انو يطلع صوتي..
-تقدمت اكثر وصارت كدامي دتلزمني جان توكف واني هنا احس وكف كلبي حجت واني بس عيني عليها بخوف لا اكدر
اتحرك ولا صوتي يطلع فقدت واخر شيء اتذكره كلامها
وخوفي منه.. جايه اخذ روحج..
-فزيت واني بحضن سند ومنكعيني مي هو وامي اني
رفعت راسي من حضنه وضليت اتلفت وبعدها الخوفه بيه
هسه جانت هنا
وصوتها الي بعده يرن باذني جاية تاخذ روحي اريد اصرخ ماكدر اتخايلها كبالي وارجع احضن سند بقوة ختلت بحضنه وبجيت بجي بس اريد ارتاح وهاي الاشياء الي اشوفها
راح تخبلني وكفت عقلي وسلبت مني الراحة..
-رفع راسي من حضنه ومن شاف دموعي تخبل وبس يريد يفهم شكو واني ما اكدر اوصل الفكره بس ابجي انطاني الورقه.. رحمه حبيبتي بس اهدي كولي بسم الله الرحمن الرحيم واكتبيلي شبيج..
-امسح بدموعي وبايد ترجف كتبت عن كل شيء والخوفة بيه اكتب وابجي ومن جهه اخاف ما يصدكوني لان اني نفسي مدا اصدك الي اشوفه وصارت هالورقة والقلم هي الي تعبر عن حالي وروحي المكسورة وهالشيء صعب والله صعب كلش لان احس راح انفجر من كد ما كاتمه حجي والله ما جاي يروح من بالي الي شفته ابد
هو مسح دموعي وضل يستغفر وامي تتحسب وترد ليوره شربوني مي وهو حضني ويهمس.. اني يمج وما اعوفج
لا تخافين ماكو شيء رحمه كولي يالله حبيبتي انتي..
