رحمة سند

البارت الثالث عشر

رحمة سند..
بقلمي رسل..
البارت الثالث عشر..
واتباد rasolaa7

ليش تعتَز بغلطتَك 
ليش تزعَل وأنتَ عايّل
نفسي عَزيزة وشفت
ساويتَك ويَّ النفَس
مِن تبتعد ترخَص
هوَ أنتَ مثل الشَمع
وخيط أنة صاير الك
مِن أحترگ تخلص
گتلك معزتَك نهر
لتبدي روحَك چفة
وتالي النهَر ينقَص..

-فتحت الباب على كيف وبقيت واكفه بمكاني دمعت عيوني  من الي شفته بحيث اريد انطق بكلمه ما اكدر..

-جانت رنا معرايه ومنظرها لعب نفسي حسيت راسي صدع وهو داير وجهه عنها  ويحجي بغضب وياها..

-اني ضليت واكفه محد منهم جان منتبه عليه  هي تبجي وتحجي.. لا تفضحني استرني الله يخليك بس خلي احجي..

-وهو قاطعها.. روحي منا الله يرضى عليج مستوره بس اطلعي الخاطر الله كوه لازم نفسي لا هسه اهجم البيت وتنفضحين شنو من صلافه عندج شنو انتي..

-هي مستمره تبجي عيني عليها ماكو هيج
رخص وصلافه وهو ضل داير وجهه تالي اندارت تريد تطلع من شافتتي طلعت وغمزتلي همست.. لا عبالج هالمره ما فادت الجايات هواي ومشت من يمي واني اباوع عليها متفاجأه اني رجليه انشلت من الصدمة والي شفته وهي ولا كانو فعلا ان لم تستحي افعل ما شئت
حسيتها للحظة بقذاره سمرا شلون
نفسيتهن هيج تتقبل الرخص ياربي دخيلك..

-هو من شافني تنهد.. هالموضوع ما ينفتح بعد وكل شيء صار هنا يبقى هنا ما اريد لا فضايح ولا تجيبولنا سالفه وتخلنها بحلوك الناس..

-تقدمت عليه.. شنو ما ينفتح هي سوايتها لبنت خالتك بسيطه وما ينفتح موضوعها هاي سواية بنات ليل ترى زين مني وما هجمت الغرفة على راسها..

-حجه بعصبيه.. رحمه  من اكلج سدي يعني تسدينه وكافي لا تلحين وما اريد عناد حلكج تسدينا تردين تفضحينها
يم هاي العالم كلها شجاج..

  -مينسد وما اسده  اذا متلكالها حل انت مستوعب الي سوته.. احجي ويا هو رفع ايده عبالي ديضربني خليت ايدي على وجهي ردة فعل لا اراديه هو ضرب الحايط اليمي وضل يعيط عليه.. انتي شنو هالعناد الي عندج شكلت اني..

ـبعدت عنه وضليت واكفه بعيد عنه وهو صاير مثل النار ما اكدر اتقربلها لانو بس اتقربلها تحركني اباوع لعصبيته وشلون صاير نار بس لانو حجيت عليها حجه هواي كلش واني ساكته يريدني اسكت ليش هي فعلتها ينسكت عنها يريد استرها وما حجي وهي مخافت على روحها من تعرت كدامه واهلها وعمامها والامه مكلوبه جوه ليش اني الي لازم اسكت ليش ما هي فكرت بنفسها قبل لا تسوي هيج فعل لا العقل يتقبله ولا الله بعضمته يرضى عليه..

-بقيت واكفه خليته يخلص كلامه وعفته ونزلت جوه يم الخطار واني على اعصابي ما راح اخالف كلامه ولا احجي بكلمه بس مثل ما ما اجيب سيرتها يحلم بعد يسمع صوتي الظاهر سكتت الها هواي ونوب يسكتتي بعد شوكت احجي من اشوفها ماخذه مكاني..