رحمة سند

البارت العاشر

رحمة سند..
بقلمي رسل..
البارت العاشر..
واتباد rasolaa7

بعد تعبي وحسرتي
وبجيي بالغرفة
تمنيت الـ كسرني
انسان ما اعرفه..

-توسلت بي وهو ما حجه واني ضليت بنار وسكوتهم
يخوف يعني اكيد صاير شيء..

-صعدت للغرفه جان كاعد يدخن ومغمض عيونه من حس عليه فتح عيونه يراقبني ورادني احجي بس
اني ما حجيت شيء ولا حتى باوعت عليه ادري بي يتنرفز اذا اتجاهله واني قررت استعمل هالاسلوب
وياه ما دام يضم عليه وفوكاها يوصيهم ميحجولي
يعني مصر يخليني بقلق واني باذني سمعت شلون
اصدقاءه جانوا يحذرونا..

-ظل هو يحجي يريد احجي ويا واني منطيه أذن الطرشه حته لا التفت ولا اسوي أي رد فعل اخر شيء صاح.. مو احجي وياج شبيج؟!..

-تنهدت.. سند ليش ما تحجي ليش تخليني قلقه
الله عليك مو والله روحي طلعت غير اعرف شكو
ومنو ذول الي حذروك منهم اصدقاءك..

-كام.. كتلج شغل بعد هذا العناد شنو حجاها وطلع
من البيت كالعادة..

-تاخر كلش واني بالي يمه ضليت قلقانه وتندمت لانو لحيت عليه بس والله من خوفي عليه ضليت كاعده انتظره يجي فوك الوحده يلا طب للبيت من شفته ركضت عليه.. وين جنت سند مو حتى فكر ما خليت
عندي يعني بربك هيج تتاخر ما تكول ينتظروني
بالهم يمي..

-جنت بشغله وكافي ملحه راسي راح ينفجر..

-شنو هالشغله؟!.. سالت وهو تنهد.. تريدين تعرفين
مو هاج شوفي بعينج بلكي ترتاحين واخلص من
ملحتج طلع ضرف وبي طلقه وشوفنياه اني
شفته واني شهكت.. منو ذوله منو الي يهدد بيك؟!..

-جماعة طايح حضها وراهم راس جبير ويردون اعوف القضيه الي لازمينها..

-اي عوفها انت تتقارش ويه ميليشيات سند ذول ما
يخافون الله يعني بكل دم بارد يكتلونك ويكملون شغلهم..

-شنو خايف منهم ما اعوفها وشيصير خلي يصير..

-هي مو مال بطوله يا عيني ميليشيات ماعدهم ضمير انت تريد تفجعنا بيك الله يخليك عوفهم
وعوف هالشغل كله..

-اعوف الشغل شنو شايفتني جبان واتراجع بعدين الكاتبه ربج لازم نشوفه..

-ونعم بالله بس رب العالمين هم كال لا ترمون نفسكم بالتهلكه اذا انت ما خايف على روحك زين اني وامك شلون بينا عوفك مني اني اهلي موجودين امك منو الها وانت كلتها بنفسك اخوتك حتى ما يسالون بيها
سند اذا صار عليك شيء نضيع والله فكر بينا
الله يخليك..