رحمة سند

البارت الثامن

رحمة سند..
بقلمي رسل..
البارت الثامن..
واتباد rasolaa7

حلمي ولا مره كبر
راد يتحقق زغــر
الدنيه تفتر بالعكس
دورت راحه اشو كلبي نكسر
المهم گلت اختلف
اغير طبعي واسلوبي العلي
واصير شامخ وانتبه
واسحك اعله غلاطي مابعد اشتبه
اشو نفس الوضع
الفطره والنيه العلي
وحلمي نفسه ولا كبر
زتاني والله للسهر..

-جاوبته واجاني رده بصدمه.. ليش هيج وياها
ليش هيج رحمه وعود هاي اني امشي واوصي
ارجع ونتحاسب حجاها وسد التليفون..

-ضليت صافنه هو شنو الي صار حتى هيج يحجي
اشو مخليتها بعيوني وحتى النومه اخذتني لان البارحة
تعبت كلش رنا  واكفه تباوع بابتسامه ما انطيتها  مجال تتشمت ولا حجيت وياها عفتها وكملت شغلي بهدوء عكس الضجيج الي بداخلي منها ومن عمتي ومن
حتى سند الي عصب بدون ما اعرف شكو..

-اني روحي متعوبه وكوه عايشه والله جايبتهم
بالسياسه ومطوله خلك وياهم بس حتى اتجنب المشاكل
بس الظاهر المشاكل والمكائد تمشي ويا دمهن..

-شوي والجيران صاروا يتوافدون على عمتي يتحمدون الها على سلامتها ناس تدخل وناس تطلع  واني رجليه صارت خيوط من الوكفه يا جاي  يا مي يا حلويات معارفه لسند هواي وكلهم اجوي بهاليوم العضيم ما فض اليوم الا واني متكسره..

-كل هذا التعب وما وحده منهن تساعد اني بالمطبخ واسمعهن شلون ديحجن عليه حجي يغث ويقهر
نرفزني كلش يا فاهيه ويا المسعدة الي حضها
كاعد وكملتها رنا الي تكلهن ما تشتغل فاهيه..

-طلعوا  الخطار واني رحت عليها.. زين اني
مو خوش وما اشتغل ما فكرتي صارلج ساعه تعلفين منو ديجيبلج العلف لو المهم تحجين..

-فتحت عيونها على وسعها وصاحت.. ادبسز علف شنو لج حيوانه اني جتي عليه تريد تضربني..

-لزمت ايدها.. اكسرها الايد الي تنمد عليه مو اني الي تنضرب شدي همتج على غيري لا عبالج ساكته
و ما ارد على حجيجن بس من توصل حدها وتمدين
ايدج اكسرها مو رحمه  علي الي تنضرب افتهمتي..

-هي تخبلت.. والله ما ابقه  هنا حقيره نوب علينا
الغريبه تشيخ علينا الظاهر سند انطاج عين بحيث
تطردين خطاره من بيته..

-همست..بالطكاك تعيل وتريدني اسكت..

-راحت يم عمتي تشكي وتبجي خرب شكد جذابه عاد عمتي هي كوه تحجي وتهدي بيها ووالله ما تطلعين  وتبقين بعنادها وخلي يجي سند الا اخلي يطردها
الحقيره طلع لسانها..