رحمة سند..
بقلمي رسل..
البارت السادس..
واتباد rasolaa7
اريد ارچي اعله صدرك راس تعبان
واسولف عن عذابي و غربة الروح..
-رجعت للمطبخ اجت رنا.. اكلج شكد عمرج؟!..
-واحد وعشرين..
-شعجب اقصد شعجب قبلتي بي تحجي
وتباوعلي بنظرات غريبه..
-وليش ما اقبل بي شناقصه اشو رجال معدل
ويحبني وما ينرفض..
-لا مو هذا قصدي بس هواي فرق بينكم واكبر
منج بهواي..
-مو مشكله ومالج دخل عيوني هاي بيني وبينه
العمر وليش قبلت شيء هذا يخصني اني ماكو
داعي اكعد اشرح لغيري ليش قبلت..
-وشبيج ضجتي اوي هو احنا شكلنا حتى تكولين
خاص..
-مشيت من يمها وما رديت عليها مبينه تريد تغثني
واني روحي كوه طايقتها صعدت للغرفة واسمعهن يتبسبسن مفهمت على شنو وما اهتميت دخلت للغرفة
وحاولت ارجع انام..
-ضليت اتكلب احاول انام مكدرت احس بالم مزعج
كل ما اتحرك جسمي بعده يوجعني غمضت عيوني
غصب ودخلت بعالم التفكير افكر وافكر اكثر عاده مزعجه عندي هي المبالغه بالتفكير هواي كلش
افكر وخايفه من هواي اشياء
افكر بحياتي الي نكلبت فجاة
افكر شلون راح نتراهم اني وسند وهو مجرد
اول مره يتقرب مني اجرم بيه وما اتحمل فكره
انو احد قبله تقرب مني
خايفه من عمتي واختها ورنا والي يخوفني
كلامه دائما يحذرني من اقاربه هاي بفتره الخطوبه
واخر شيء قبل لا يطلع وصاني ابتعد عنهن
ياربي اتكفل بحياتي ما عندي طاقة اتحمل
بيها اي شيء واي شخص يكرهني..
-رجعت للواقع على صوت الباب الي اندك بخبال عبالك مداهمه كمت فتحت الباب واشوف عمتي كبالي.. يالمسعده ما تنزلين تشوفينا شنريد تكولين عندي خطار اسويلهم ريوك ساده بابج وكاعده..
-حاضر تدللين هسه انزل مو جان الكل نايم واني
صعدت حجيتها بمحاوله انو امتص غضبها..
-هي باوعت عليه من فوك لجوه وراحت بقيت متصنمه مكاني من حركتها هاي شبيها هسه مو
رديت عليها بالعيني واغاتي وما عصبتها اني اعرف
انو العروس حسب عاداتنا او عادات البعض للسبعة
مال عرسها يلا تشتغل لهذا رجعت لغرفتي بس عمتي ما اعرف ليش شاده وياي من قبل لا ادخل لبيتهم..
-اخذت حجاب وخليته هيج شلون مجان بس على مود الاثار ما اريد اسمع كلام من ام رنا ونزلت هي اول مشافتني بلا سلام كالت.. شهالعياره لابسه حجاب هو منو اكو قابل عندج حموين..
-تنهدت.. صباح النور خاله هي خزرتني ودارت
وجها واني عفتها ورحت حميت الجاي وسلكت بيض وصبيتلهم وخليت كدامهم اجبان بلشن ياكلن بالجذب محد كلتلي تعالي ويانا شنو من ذوق يلا اني
شتوقع منهن..
