رحمة سند..
بقلمي رسل..
البارت الخامس..
واتباد rasolaa7
كون اشوف الحزن شارد
كون اغمض اعيوني ليلة وراسي بارد..
-دكت الباب اكثر من مره انفتح الباب واني
اتراجعت بخطواتي من الي شفته لا مو معقولة
ابد التفتت اريد اشرد وجان انلزم منهم اثنينهم..
-ادفع بيهم وهم لازميني بقوة.. وخروا الله لا يوفقكم
ولج سمرا وين جايبتني الله لا يوفقج اذا صدك انتي
صافه ويا فرفحت روحي اتمنى هيج معجزه وتخلصني منهم بس وين سحلوني سحل
ودخلوني وهي تهمس.. وين يا حلوه..
-ياربي اتهسترت ابجي واحاول افك روحي منهم
نظرتي عليها بعتب على صدمتي بيها وهي ولا كانو
هو اشرلها هي فاتت جوه مدري شتجيب وهو لازمني اني عضيته بقوه من حلاوه روحي وردت اشرد هو كام يكفر وركض ورايه لزمني وثبتني وتخله على حلكي قماش حاولت ما اتنفس لان عرفت الي بيها شنو بس من كثر ما رافست غصبا ما عليه هو بقى مخليها
الى ان بعد ما اعرف غبت عن الوعي واخر شيء
اتذكره وجها للي جنت مسميتها صديقتي واختي
للي جنت اثق بيها ثقة عميه
للي جنت اعتبرها صندوك اسراري واحجيلها
كل شيء جانت قريبة مني لدرجة بحيث مستحيل
اشك انو يطلع منها هيج شيء بس ما اعرف
ناسنا نفوسها تغيرت
لو الخلل بثقتنا الزايدة..
-شكد مر من الوقت ما اعرف حسيت على روحي مقيده شهكت واتهسرت بالبجي من شفت روحي
بدون ملابس وما يستر عليه شيء بوكتها تمنيت الموت تمنيت ما اجيت على هالدنيا ولا اشوف نفسي
بموقف قذر مثل هذا والاقذر الكلب الي رفضته
اكثر من مره نايم يمي وكذلك بلا ملابس
ونظراته كلها فخر بالي سواه وكانو منطينه نوط
الشجاعة عديم الرجوله القذر..
-تهسترت من استوعبت شنو الي صار وانو اني انتهى مستقبلي وخلص اهلي راح يذبحوني لو عرفوا
اني انتهيت شلون راح اعيش واني لحمي نهشه
هالكلب ضليت اصرخ بس صوت مجان يطلع
وهالشيء دمرني لان جان ساد حلكي وكل الي
يطلع مني هو صوت ونين كلب محروك..
-باوعلي بخبث وابتسم ايده كامت تمشي على جسمي واني اصرخ والوي بروحي احاول بس اني كل اطرافي مربطه وماكدر اسوي شيء وهو الحقير
مستمتع بعذابي رجع تقرب عليه..مو كتلج اكسر خشمج عبالج حجايتي لعب لج اني اتفشل من وحده متسوه مثلج..
-رجع صاح.. لج اني اتفشل من وحده متسوه مثلج
مو اني
مو قيس
الي تهينه مره واسكتلها هيج احسنلج مو..
-جانت نظراتي عليه بقرف وبس ابجي واحس الم بكل جسمي وشيء ينزل عليه وهو يباوعلي بشماته
شمتان شلون كسرني
شمتان بيه انو بالاخير انتقم مني لكرامته
وما جان ذنبي غير اني رفضته حاله حال هواي
شباب يتقدمون ويتلقون الرفض بالمقابل بس
الظاهر حضي وكعني بيد واحد مخبل
ومريض وحاقد لان الصاحي وصاحب النخوه
مستحيل يدمر شرف بنيه هيج لو مو رافضته
لو شما سوت لان ابن الاصل يبقى على اصله..
