(Unicode)
"ကလင်... ကလင်... ကလင်..."
Alarm ထမြည်သံကြောင့် စစ်မင်း အိပ်ယာမှလန့်နိုးသွားသည်။အိပ်ချင်မူးတူးဖြင့် မျက်လုံးကိုဖိပွတ်ကာ alarm ကိုပိတ်ပြီး နာရီကိုကြည့်တော့ မနက် 6;00 ။
အိပ်ယာမှလူးလဲထကာ ရေချိုးခန်းဝင် မျက်နှာသစ် ကိုယ်လက်သန့်စင်ပြီး အဝတ်အစားလဲကာ ထွက်လာခဲ့သည်။
"အကိုလေး နိုးလာပြီလား စောစောစီးစီးပါလား"
"သွားစရာရှိလို့"
"အိတုံမနက်စာ ပြင်လိုက်မယ် အစောကြီးနိုးမယ် မထင်လို့ မနက်စာမပြင်ရသေးဘူး ခုအမြန်ပြင်ပေးမယ်နော်.."
"ရတယ် မပြင်နဲ့တော့ အပြင်မှာစားမှာ"
ထွက်သွားသောအကိုလေးရဲ့နောက်ကျောကိုကြည့်ကာ
''အကိုလေးကဘယ်ချိန်ကြည့်ကြည့်ချောနေရောပဲ''
မျက်ခုံးထူထူ နှာတံစင်းစင်း နှင့် ပါးလျသောနှုတ်ခမ်းတို့ကဘုန်းစစ်မင်းရဲ့ မျက်နှာအသွင်အပြင်ကိုကြည့်ကောင်းစေသည်။အသားအရေကမဖြူမညိုအနေထားနှင့် အရပ်က 6 ပေနီးနီးရှိသောသူဟာ YTU မှာ popular boy လေးပေါ့။
ကောင်မလေးများဝိုင်းဝိုင်းလည်နေသလိုရှုပ်ပွေတဲ့နေရာမှာလဲ ဆရာကြီး၊ ကောင်မလေးတစ်ယောက်ဆိုတစ်လတောင်ပြည့်အောင်မတွဲတဲ့သူ၊ ဒါပေမယ့် သူ့မှာအရမ်းချစ်ရတဲ့ငယ်သူငယ်ချင်းမလေးတစ်ယောက်ရှိသတဲ့..................
"Morning အန်တီမေ... နွေရော"
"မင်းသူငယ်ချင်းအိပ်တုန်းကွဲ့ ကျောင်းပိတ်ရက်စောစောစီးစီး ဘယ်သွားမလို့လဲ"
"သားတို့ သူငယ်ချင်းတစ်ယောက်နဲ့ချိန်းထားတာ ဒီကောင်ခုထိမနိုးသေးဘူးလား သားသွားနိုးလိုက်မယ်နော်"
"သွားသွား မင်းသူငယ်ချင်းကအိပ်ပုတ်ကွဲ့ သိတယ်မလား"
နွေ့အိမ်နဲ့သူ့အိမ်ကခြေရင်းခေါင်းရင်းဖြစ်သည်၊နှစ်ဖက်မိဘတွေကလဲငယ်သူငယ်ချင်းတွေမို့ သူနှင့်နွေကသူငယ်ချင်းဆိုတာထက် မောင်နှမလိုချစ်ခင်ကြသည်။
မိဘတွေဆီမှာဂရုစိုက်ခြင်း မခံရသောသူ့ကို အန်တီမေကပဲ ဂရုစိုက်ချစ်ခင်ပေးသည်၊ သူလိုချင်တဲ့ မေတ္တာကိုမပေးနိုင်ပဲ သူ့အတွက်မလိုအပ်တဲ့ပိုက်ဆံကိုသာ တောင်လိုပုံပေးနိုင်တဲ့မိဘနှစ်ပါး၊ ခုလဲသူ့ကိုတစ်ယောက်ထဲထားပြီး နိုင်ငံခြားမှာ စီးပွားရှာနေလေရဲ့
YOU ARE READING
သူ (He)
Random(Uni+Zawgyi) သူဆိုတာ ကျွန်မအတွက်တော့ ဘယ်တော့မှပြန်မမက်ချင်တဲ့ အိပ်မက်ဆိုးတစ်ခုပဲ,,,, သူဆိုတာ ကြၽန္မအတြက္ေတာ့ ဘယ္ေတာ့မွျပန္မမက္ခ်င္တဲ့ အိပ္မက္ဆိုးတစ္ခုပဲ,,,,
