♦ حسناء السلطان ♦
⚜ فاطمة الزهراء مبارك ⚜
⚔ الجزء 9 ⚔
يوم جديد في قصر افراح جالسة و كتشوف في السقف و كتفكر فيه تكدب الا قالت مكتبغيهش دائما مراود خيالها و احلامها دوزاتها مرضة تفتح الباب و دخل عندها الاب ديالها شافت فيه و وقفات احتراما ليه
نصف:سلطانتي يااا جميلة السلطانات
حسنى(باست يديه):بابا
نصف:كيف بقيتي قالو ليا خرجتي لبارح المدينة
حسنى:ااه خرجت شفت الشعب و شنو ناقصهم
نصف:ديري بالك على راسك ا بنتي انت لي بقيتي ليا من بعد المرحومة
حسنى:اكيد ا بابا متشغلش بالك
نصف؛شنو غديري اليوم
حسنى؛والو
نصف:اذن نخليك ترتاحي
حسنى:مبغيت حتى واحد يزعجني واخا بغيت نبقا في بيتي
نصف؛واخا ا بنتي لي بغيتي
بتسمات له و هو خرج مشات هزات سلهامها دارتو على راسها و خرجات من بيتها من مكان سري عندها فيه معرفو حتى واحد حتى سلطان معرفوش دارتو الام ديالها و وراتو ليها تحسبا لأي هجوم خرجات لقات حصانها تما ركبات عليه و نطلقات حتى وصلات الوادي قطعات و تمشات بيه حتى وصلات الواحد الكوخ معرفتش علاش جات لي عارفة انها محتاجة تشوفو نزلات من فوقو و بطاتو مع الشجرة طلات كان الكوخ خاوي و مسدود مفيه حد تنهدات و رجعات ادراجها
عادت كتمشى مع حصانها و كتهضر معاه حتى كتسمع صوت الحصان وقف قدام رجليها هزات راسها بان ليها سلطان سيف دي اليزن بتسمات ليه و هو ممتيقش انه اخيرا شافها نزل و شد الحصان بيديه
YOU ARE READING
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...
