حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 21

♦ حسناء السلطان ♦

⚜ فاطمة الزهراء مبارك ⚜

⚔ الجزء 21 ⚔

كي شوف في حسنى هضر بحدة معاهم و خرجو كاملين و بقات مع الاب ديالها في جناحها

نصف:وصلات بيك تكدبي ا حسناء
حسنى:سمح ليا ا مولاي ولكن كان ضروري خاصني نخرجو من القصر بأي طريقة
نصف؛شنو دار
حسنى(شافت فيه):عمي اصلان و ولدو زائر كان ناوي اننا نعلنو حرب على يمن الحمراء انا عنمشي لحرب حيت عارف السلطان سيف مكرحمش و الا طحت في يديه مغداش نعيش و في المقابل انت هنا غدين يقتلوك و هكدا غدين يكونو تهناو منا بجوج و مملكة الافراح غدي ياخد حكمها عمي اصلان

نصف(سكت مصدوم من لي سمع):فين عرفتي هذه الشي
حسن:منين كنت حاسة الصالة سمعتهم كانو في واحد البيت
نصف:ولكن انت لي قلتي باغيا تعلمي الحرب
حسنى:بغيت نعرف ردة فعلك ا مولاي
نصف(مسح على وجهو):معمري عنعلن الحرب على مملكة الافراح
حسنى:علاش
نصف:كاينين شي حوايج انت معرفاهمش
حسنى:مشي جا الوقت لي تقول ليا شنو كاين

نصف(جلس و شاف فيها و هي جلسات حداه):هذه قبل 20 عام كانت جات واحد البنت لمدينة ديالنا و بقات كدور فيها فرحانة انا كنت خارج متخفي كندور تلاقيتها وتغرمت بيها تبعتها حتا كانت خارجة لكن شدوها الجنود و جابوها القصر عرفنا انها من مملكة اليمن الحمراء و انها كانت اخت الملك ديالها
(تنهد):جدك هو و عمك كانو عيقتلوها لكن انا مبغيتش هذه الشي وقلت ليهم عنتزوجها بصعوبة وافقو حتى هي ممتنعاتش و تزوجنا من بعد شهر حملات بيك خبيت عليهم عليهم باقة على ديانتها حيت خايف عليها تزاديتي و عطاتني افضل هدية وطلبت منها تقول ليا شنو ما بغات تقولها ليا و نحظرها قالت ليا انه معمري نعلن الحرب على مملكة اليمن الحمراء حيت هما في نضرهم انها قتلناها و ها انا منوفي بوعدي و الباقي راك عارفاه

حسنى(بقات كتبكي قدام الاب ديالها): بابا
نصف(شاف فيها)
حسنى:علاش منعلنوش الصلح مع المملكة اااه هكدا غدين ناخدو صديق قوي بزااف
نصف(ضحك):انت معرفة والو ا بنتي سيف معمرو غدي يدير الصلح حيت حنا مشي مملكة مسلمة
حسنى:نقلبو دينا
نصف(وقف):تصبحي على خير ا بنتي

خرج و هي فرحات من هذه الناحية و خاصها تقولها لسيف لي غدي يفرح تجبدات في سريرها و هي كتشوف في السقف و كتسنى النهار فوقاش يطلع باش تشوفو