حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 25

♦ حسناء السلطان ♦

⚜ فاطمة الزهراء مبارك ⚜

⚔ الجزء 25 ⚔

تبعها شدها من يديها و هي كتنتر منو عنقها و دموعو في طرف عينيه كتبعد و دراعها عگرها لكن كاتمة المها

سيف:سمحي ليا عافاك سمحي ليا ملكتي سمحي ليا معرفتش شنو طرأ ليا
حسنى(هزات راسها فيه و بدون تعابير): سيف طلقني
سيف(شد وجها بين يديه):حتى تسمحي ليا منقدرش منقدرش فعلا منقدرش نخليك تعصبت حسيت براسي رخيص حسيت براسي تهنت انت ضحكتي عليا عرفتي باش حسيت العافيا شاعلة في قلبي ا حسنى حسنائي سمحي ليا

حسنى :علاش ا نسمح ليك ا سيف اااه علاش شنو درت حتى دير فيا هذه الحالة جاية عندك و كنت فرحانة انني نشوفك كثر وليت كنعشقك ا سيف كنعشقك و انت انت مستحيل تكون كتعشقني شوف راسك شكيتي فيا من اول مشكل مقدرتيش تجي عندي و تسمعني مقلتيش هذو لاعبين من موراها مقلتيش هذو باغيينها تطيح في فخ

تخنقات بالبكا و ما قدتش تزيد تهضر بعدات عليه دورات وجها و شادة في كتفها حتى كتحسو شدها و عقد ليها جهة ديال الجرحا و شاف فيها هضر بقهرة

سيف:كنت عنقتل محبوبتي بيدي مكاين اصعب من هذه العقاب ا حسنائي سمحي ليا مستاعد ندير اي حاجة غير سامحيني انا كنعشقك و كنموت عليك ا ملكتي كنقسم ليك معمرها تعاود

هو كي هضر و كي قاد ليها باش جرحة متزيدش تنزف حسنى تسناتو حتى كمل تفكات و مشات عود ديالها ركبات عليه و نطاقات خلاتو بوحدو و كيفكر في هضرتها و شنو دار حلف في هذه عمها و ولد عمها حتى يربيهم دار و كان غدي يدخل الكوخ هو يشوف مرسال كان حدا شجرة فين مربوط عودها مشا هزو و فتحو هو يحل عينيه من الصدمة كان فيه طلب صلح بين مملكتين و ختم حسنى و السلطان نصف فيه تبسم و هز راسو في السما رجع ركب على العود و توجه القصر نزل و دخل شافو يوسف و تم جاي عندو كي جري خبرو يوسف بلي وقع فرح من ناحية و من ناحية اخرا بقات فيه حسنى و شنو كان عيوقع من بعد بسباب تسرع ديالو امرو غدي يكون اجتماع و مشا الجناح ديالو دخل ليه