حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 33

♦ حسناء السلطان ♦

⚜ فاطمة الزهراء مبارك ⚜

⚔ الجزء 33 ⚔

في باب المدينة كان معلق راجل جوهرة و يوسف و بلبل كي شوفو فيه و كلشي فرحان لعدل ديال أميرة الافراح حيت وخا تزوج وحدة من القصر مخلاتوش و سامحاتو لا بالعكس عاقباتو على غلطو و هذه الشي زاد كبرها في عينيهم

رجعو القصر و دخلو ليه سيف كان جالس في جناحو كي حط لحيتو تفتح الباب و دخل منو يوسف مبتاسم

يوسف:مولاي
سيف:امضرا
يوسف:كيف مكان متوقع الشعب فرحان لحكمها العادل
سيف(بتاسم):مزيان
يوسف:عنبقاو هنا
سيف:انت عترجع القصر انا يوماين عنجي باش نوجد الجيش
يوسف(حك لحيتو)؛واخا امولاي
سيف(تبسم): متخافش ياقوت لغيرك ما تكون
يوسف:لا لا امولاي مشي هكداك
سيف:راني كنعرفك صديق طفولتي و حافضك
يوسف (فرح): ان شاء الله امولاي خليت ليك الراحة

خرج و سيف تبسم لصاحبو حيت عرفو حبها بقا جالس و جاه فضول يشوفها خرج من جناحو ودخل لجناحها بلا ما يشوفو شي حد بقا كي دور فيه و شاف رسم لي رسمها محطوط تما تبسم و هزو كي شوف فيه دور راسو شاف كتاب لي كتقرا فيه عن عجائب وغرائب الجن و العفاريت بقا كي قرا فيه و هو جالس حتى كي تفتح الباب و كتدخل منو سلطانتو و ملكة قلبو كيف مسميها هو

هي لي كانت جالسة مع الحكيمة حتى طمنات على صحتها تناص ليل و خرجات من عندها توجهات لجناحها دخلات ليه و شافتو جالس هي فعلا مزالة معصبة من لي وقع شوفتو زادت على ما بيها