حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 27

♦ حسناء السلطان ♦

⚜ فاطمة الزهراء مبارك ⚜

⚔ الجزء 27 ⚔

دازت 3 ايام

سيف علنو حربو على مملكة الخنساء بعد سيمانة حيت محملهم مسؤولية لي وقع و بسبابهم اذا محبوبتو لي ولات رافضة حتى تشوف وجهو

جالس في جناحو و قدامو مخطط للحرب حتى كي دخل عليه يوسف كي جري بلا ما يدق

سيف(شاف فيه):مالك ا يوسف
يوسف(كي نهج):مولاي مولاي جاتني خبار بلي الاميرة حسنى من بعد شهر, غديا تكون في حرب مع عمها و هذه الشي صدم گاع القبائل و العشيرة بحد داتها
سيف(وقف مصدوم):كيفاش واش حسنى لي عتقيد الجيش
يوسف:اه ا سيدي
سيف(كي حك جبهتو مشا هز ريشة و الجلد كتب فيه و ختمو و مدو ليوسف خداه من عندو):رسل مرسال لبلبل ضروري
يوسف:واش يعطيه لاميرة
سيف(بتاسم):لا لسلطان نصف
يوسف:كيفاش
سيف:منين نتلاقا بيه عتفهم

خداه و خرج هو بنفسو الداخل المدينة متخفي مشا القصر و شاف واحد من الرجال تما قال ليه بغيت بلبل خرج من عندو مستغرب شكون حتى كي تفاجأ بيوسف مشا عندو و وقف

بلبل:شنو كدير هنا
يوسف؛صيفطني مولاي و بغاك تعطي هذه للسلطان نصف
بلبل:شنو فيها
يوسف:علمي علمك
بلبل:واخا

دخل و يوسف رجع بحالو كان سيف واجد و عيخرج لمملكة الافراح بصيفتو السلطان

اما نصف وصلو بلبل المرسال فتحو و هو يتصدم بلي سيف وصلو المرسال بطلب الصلح و وافق عليه و انه مستاعد يتشارك معاهم في حرب ضد مملكة الخنساء وبلي عيزورو في العشية بتاسم و امر الخدم يجهزو افضل الاكلات و يوجدو جناح قرب جناح حسنى حيت هو ضيفو و اول مرة يستقبل واحد من عائلة مراتو في قصر ديالو