♦ حسناء السلطان ♦
⚜ فاطمة الزهراء مبارك ⚜
⚔ الجزء 38 ⚔
تقدمات حسنى و بلبل من موراها و ياقوت حتى هي وقف البنات حانيين راسهم و حتى وحدة متجرأت تهز راسها قربات كدور راسها هنا و هنا و هو عالي السماء حتى وقفات عند وحدة لي كانت هانية راسها و الابتسامة على وجها هزات حسنى يديها و طلعات ليها راسها شافت فيها و طولات شوفة
حسنى:تبعيني
حنات راسها و تبعاتها بلا كلمة بلا جوج و هي غادة في بلاط كامل البنت داخت كدور راسها هنا و هنا و ياقوت من موراها دخلو الجناح الخاص بيها لقات تما جلسة جلسات فيها و تقادات جلسة بمقامها بصيفتها اميرة داك القصر كامل تبسمات و شارت البنت تجلس حداها
حسنى:عارفة علاش جبتك
***:سمحي ليا ا مولاتي
حسنى:زعماتك تقربي لبيت واحد من ضيوف ديالي و ديال السلطان عقابو شديد ااا
بلبل(واقف عليها و هو ينطق):مرجانة ا مولاتي مرجانة
حسنى:ا مرجانة
مرجانة:سمحي ليا الالة اخر مرة
حسنى:هي اخر مرة فعلامرجانة(هزات راسها ليها): مولاتي عافاك انا باقا جديدة هنا معرفاش عافاك سمحي ليا كنعتارف بغيت نشوف الملك سيف غير فظولي هو لي دارها بيا نيتي مزيانة معمري نفكر نضرك ولا نضر العائلة الحاكمة
حسنى:في حياتك معتقدي تضريناوقفات و دارت سلهامها من موراها و قربات عندها:وقفي
مرجانة(وقفات)
حسنى:كلشي يخرجخرجو كاملين و بقا بلبل و ياقوت معاها حسنى شبكات يديها مع بعضهم و شافت فيها
حسنى: عجباتني صرحتك
مرجانة(حانية راسها)
حسنى:لذلك عندي ليك مهمة
مرجانة:شنو هي
حسنى(هزات راسها):كاين واحد المملكة اسمها الحرينمرجانة:شافت فيها
حسنى:ملكها اسمو يزن انت عندك دور تما و مهمة خاصك تنفديها
مرجانة:شنو هي
حسنى:بغيت ملكها يولي مدلول و ناخد الختم ديالها
مرجانة(بخوف):ولكن ملك ديك المملكة شخص ضالم
حسنى:عارفة جميع الحلول درتها معاه و نبقا عندي غير حل واحد هو هذا واش قادة او لا
مرجانة(حنات راسها):معليا غير السمع و الطاعةحسنى(تبسمات):متخافيش حيت منين عيطيح داك الملك عتاخدي بلاصتو كنضن ان عرض كهادا خاصك تكوني فرحانة بيه
مرجانة(توسعات ابتسامتها):ااه ااه موافقة
حسنى(حولات نضراتها لجد):ولكنيري في بالك تحاولي تلعبي من مور ضهري مصيرك هو القبر سمعتي
مرجانة:ااه عارفة
حسنى:مزيان بلبل وجدها باش تمشي تباع في سوق نخاسة في مملكة الحرينقالتها و مشات الجناح ديالها مرجانة مشات مع بابل و ياقوت يوجدوها و كي نبهوها و يخلعوها من الاميرة حسنى بلي وحدة مشي سهلة و الا غدراتها تبات ما تصبح
YOU ARE READING
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...