♦ حسناء السلطان ♦
⚜ فاطمة الزهراء مبارك ⚜
⚔ الجزء 37 ⚔
دخلو الداخل مشات حسنى باش ترتاح اما سيف توجه لعند السلطان نصف جلس جلسة الملوك و صواني اتاي و تقيتيطات قدامهم نصف هاز راسو السماء اما سيف شاد في شفايفو و كي شوف قدامو حتى نطق نصف
نصف:الاسبوع المقبل ان شاء الله عنطالقو
سيف:بحول الله
نصف(شاف فيه):بنتي واخا عارفها قادة لكن رد ليها البال
سيف:الأميرة حسنى من مسؤولياتي
نصف:شكرا
سيف(بحقد):غادي نجيب ليك راسو حتى لهنا و نعلقو في باب المدينة باش معمرو يتجرء شي واحد لا على مملكة اليمن الحمراء لا على مملكة الافراح
نصف: اكيدبقاو كي تحدتو حتى ناضو المائدة الطعام حتى شرفات الأميرة حسناء على الاكل جلسات بكل لباقة و حنات راسها على الاكل كتاكل بشوية عليها حتى هزات رأسها لقات سيف كي شوف فيها مبتاسم
حسنى:مولاي كيبان ليا ضيفك مكرمتيهش مزيان
نصف(شاف في حسنى):كيفاش ا بنتي
(شاف في سيف):سلطان سيف مكليتيش واش تبغي شي حاجة يوجدوها ليك خاصة
سيف(كتبسم و خط يديه على سفرة كي شوف فيه):لا بالعكس كلشي هو هداكتبسمات حسنى حتى كي دخل بلبل بمشيتو المعهودة كي تمشى و يديه معوجهم لابس داك اللبسة بحال بينوار رجالي و داير طاگية على راسو قرب العندها
بلبل:مولاي
نصف(هز براسو)
بلبل:سلطان سيف
سيف(كي شوف فيه)بلبل (حنا عند حسنى و همس ليها في ودنيها و هي تبسمات)
حسنى(همسات حتى هي ليه و ولات علات صوتها): منين تسالي صيفطها ليا
بلبل(بصدمة):مولاتي واش متأكدة
حسنى:دير داكشي لي قلت ليك
بلبل:ولكن
حسنى(شافت فيه مخنزرة):مالك ا بلبل يا تكون مطرقة و تضرب يا تكون مسمار و تمشي بالضرب
بلبل(ضرب يديه مع بعضهم):و هذه الشغل تانجارت فين عيمشي بينا
حسنى(تنهدات بنفاد الصبر):بلبل نفد شنو قلت ليك بالحرف
بلبل(حنا راسو):امرك مولاتي لي ليها ليهاحنا راسو غادي و هي وغوت ليه:أجي بابل
رجع عندها:نعام
حسنى:بغيت نصحك نصيحة تنفعك على طول زمان سولو سم قالو ليه باش كتقتق قال ليهم بتقالة بتقاااالللة
بلبل:الله يدير لي فيها الخيرمشا مسكين مغلوب على امرو حاني راسو ينفد داكشي لي مطلوب منو هي دورات راسها شافت في سيف كي شوف فيها بنضرات غريبة حتى هي محكراتش و رجعات تاكل
نصف:خير
حسنى:شغل الحريم ا مولاي متشطنش بالك
نصف:كيفاش
حسنى(شافت في سيف):شي وحدة سخن عليها راسها ا مولاي
نصف:واخا ا بنتيسكت مزادش معاها و هي كملات و ناضت من تما و توجهات لجناح الحريم غير وصلات كلشي تستف و حناو ليها الرأس
YOU ARE READING
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...