حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 48

♦ حسناء السلطان ♦

⚜ فاطمة الزهراء مبارك ⚜

⚔ الجزء 48 ⚔

عاونها حتى تكات في السرير و بقا واقف كي حك يديه مع بعضهم و هي كتوجع

سيف(كي شوف فيها و مخلوع):صبري ا ملكتي صبري
حسنى:اربيييييييي

سمع دقات مشا فتح هو بيديه دخلات الحكيمة و دادا و ياقوت و مبروكة كتعافر مسكينة باش ما عطاها الله هو خرج البرا و كي سمع غير صراخ ديالها و كتدعي الله هز راسو متوتر

في حين في مملكة الافراح دغيا وصلاتو الخبار كيف البرق صيفط بلبل يجيب ليه خبار بنتو و حفيدو ولا حفيدتو و كي دعي الله تنوض بيخير دازت جوج ساعات حتى تسمعات صرخة روح صغيرة جات لهذه الحياة يوسف شاف في سيف لي تبسم و سجد لله بالفرحة ناض نمسح عينيه و دخل عندها لقاهم في البلاصة نقاوها و نقراو البلاصة علاش لا و راها ملكة هذه

قرب عندها و عينيه على قطعة لي فيديها معارف واش بنت ولا ولد تبسم و مشا باس ليها راسها و مد يديه خدا المولود جديد في يديه و تبسم

حسنى(ببتسامة باين فيها العياء):امير جديد للمملكة الحمراء مولاي
سيف(شاف فيها و شاف في الموصود تبسم خدا يديه باسهم و شاف فيها):شنو باغيا تسميه
حسنى:منتفضلش قدام جلالتك
سيف(شاف فيها و شاف في ولدو و نطق): سلطان
حسنى(تبسمات):سلطان
دادا(تبسمات):مبروك عليكم ا مولاي ياقوت يالله هذا نهار كبير خاصنا نوجدو

خرجات معاها حتى هي حاملة لكن في أوائل حملها مبروكة تقدمات و باست راسها حسنى و جبدات من حزامها شرتلة الدهب و لبساتو ليها في يديها

مبروكة:دابا وليتي رسميا ملكة يمن الحمراء مبروك عليك ا بنتي
حسنى:الله يبارك فيك

خرجات و خلاتهم هو جلس و حط هادا سلطان الصغير و شاف ليها مبتاسم:مبروك الحمد لله على سلامتك
حسنى:الله يسلمك مولاي

حطات راسها على المخدة باش ترتاح و هو جالس حداها شاد يد امير الصغير و متبتاسم بفرح كبير