♦ حسناء السلطان ♦
⚜ فاطمة الزهراء مبارك ⚜
⚔ الجزء 31 ⚔
تفتح الباب و دخلات منو دادا كتجري عندها و من موراها بنت صغيرة داخلة
دادا:بنتي جوهرة
حسنى:دادا متخافيش
دادا:ولد لحرام هداك ندمت حتى زوجتها ليه
حسنى:جوهرة شنو وقع حتى حط يديه عليك
رمسيس(كتمسح عينيها):مولاتي ماما كانت جالسة و كتقرا كتاب دخل بابا و هز صواط و بقا كي ضربها
حسنى(جبداتها عندها و عنقاتها):شش ياقوت خرجي رمسيس لبرا
ياقوت:واخاخرجاتها و حسناء شافت فيها و بدأت جوهرة كتعاود
جوهرة:كنت جالسة كنقرا و جا كيف ديما سكران الدار دخل عليا البيت و شدني من شعري و جرني البيت و جبد سوط بقا كي ضربني و فمو غير كلمة وحدة خائنة طعنتيني في شرفي و انا مخرجتش النهار كامل من الدار شي واحد وصل ليه انني كنت مع واحد اخر من غيرو ضلمني ا ختي و تكرفص عليا حتى مات ليا ولدي ا ختي مات ولدي ولدي مات
نهارت في البكا حسنى زيرات على يدها مشي اول مرة يضربها و تسكت على قبل ذولادها وقفت و خلات معاها دادا و الحكيمة خرجات و توجهات نيشان الباحة ديال السيف و الرمح دخلات ليه و من زهر ان ديك الباحة كاينة حدا الجردة لي كان جالس فيها سيف معاه نصف كي تحددتو و بالو معاها لي مبغاتش تجلس بحضورو دور راسو شافها جاية و باينة معصبة و دخلات لواحد البيت
نصف:شنو جات دير تما مكدخل ليه غير الا بغات تعاقب شي واحد
سيف(شاف فيه):كيفاش
نصف:حسنى معصبة و عتبرد اعصابها في شي واحد
سيف:ديالاش داك البيت
نصف:الأسلحة الحرب
سيف:كيفاش
نصف:بلاتي نشوف شنو كاين
سيف:عنجي معاكناضو وقفو و مشاو البيت لي كانت فيه حسناء دخلو ليه و شافوها حمرة بالاعصاب
ESTÁS LEYENDO
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Acciónجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...