حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 29

♦ حسناء السلطان ♦

⚜ فاطمة الزهراء مبارك ⚜

⚔ الجزء 29 ⚔

في جناحها جالسة و هازة في يديها كتاب كتقرا فيه على العجائب و الغرائب بين العفاريت و الجن عشقها هذه الكتاب تفكرات سيف متنكرش توحشاتو بزاف و مكرهاتش كون كان مغلطش ديك الغلطة لي مقدراتش تسامحو عليها كانت عتكون دابا في جنبو و مخشية في صدرو الدافئ تنهدت و لعنات عمها و ولدو و شنو دارو

سمعات دقات سمحات ليهم يدخلو كانت ياقوت مبتاسمة

حسنى:شنو ا ياقوت
ياقوت:مولاتي مولاي نصف طالبك لباحة الاكل
حسنى(تنهدات):مافيا لي ياكل
ياقوت (تبسمات):لكن كاين معاه ضيف و على ما سمعت حتى هو غدي يعاونكم باش ضمرو عمك الخائن و تستولو على  مملكة الخنساء امولاتي
حسنى(شافت فيها):سيري انا جاية دابا
ياقوت:واخا امولاتي

خرجات و غمزات بلبل حيت باين في عينيها الحزن على سيف فرحو حيت تم صلح بين مملكتين وهذه هو الحب يخليك تتنازل على شحال من حاجة على قبل محبوبك و هذه الشي لي وقع سيف مهمو والو من لي بغاها قلبو و لي تليق بمقام ملكة مملكتو لقا فيها ما بغا مشي وحدة تسهر على راحتو لا بالعكس لي تبارز معاه يستاشرها في حروب ياخد رأييها في مشاغل الدولة اما الا كان على الولاد و تربية ديالهم فيقدر يتزوجها من الشعب معندوش مشكيل

هو بغا شريكة حياتو تكون مميزة و هذه الشي لي لقا في حسناء و مستحيل ضيعها من بين يديه وخا يعرف يتزوجها بسيف

اما حسنى فلقات فيه السلطة و الجبروت رجولتو طاغيا عليه من خلال عروق يديه لي واضحين وضوح الشمس و حجبانو المگرونين ديما نضرتو الحادة في الناس صوتو الخشن الهبة و شهامة لي حاضرة في كل مكان و اسمو لي غير كيتدكر كي خلي الواحد يخاف و قلبو يرجف منو هذه الشي لي تمنات لقاتو فيه مشي واحد عادي لي يطمع فيها او يكون كيف العجينة في يديها لا بالعكس سيف من خلال شنو دار فيها اخر مرة تحل عينيها على بزاف الحوايج و هي غيرتو على شعبو واحد يقدر تعول عليه و كان عندو الحق ملامتوش من هذه الناحية حيت المرسال كان بختمها هي و من حقو يتعصب لكن مشي لدرجة يهز عليها سيفو و يبغي يقتلها قبل ما يسمعها

ناضت حسنى و قدات راسها خرجات بكل عجرفة لباحة الاكل تحلات الباحة و جوج قلوب خفقو لبعضهم منين تلاقات عيونهم