حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 36

♦ حسناء السلطان ♦

⚜ فاطمة الزهراء مبارك ⚜

⚔ الجزء 36 ⚔

سيف مبتاسم و هو كي طلعها و يهبطها باعجاب كبير خوا ساحة كاملة غير باش ميشوفها حتى واحد من غيرو هو غيرتو عليها لي بدات بلا ما يحس حتى من باها لي كي قول ليها اميرتي معجبوش الحال نهائيا صرطها و مبغاش يبين اما حسنى فكانت كتوجد سيفها باش تبارز معاه

سيف:واجدة
حسنى:شفتك خويتي الساحة خايف تخسر و تحشم قدام الجنود
سيف(تبسم كي دور السيف في يديه):لا
حسنى:و شنو
سيف:منبغي حتى واحد يشوف ليا في رزقي

(غمزها)

حسنى:شمن رزق

(سكتات و هي تخرج عينيها حيت عاد فهمات):لا فعلا انك وليتي مكتحشمش
سيف(ضحك حتى بانو سنانو البويض المستفين):علاش عنحشم و انت عتكوني مراتي
حسنى:حتى نسامحك بعدة
سيف:متأكد معتحتاجيش وقت تسامحيني فيه

حسنى(قربات عندو و تقادات مع وجهو جات قصيرة عليه شوية و هو طويل عليها):حتى نخليك تربحني بعدة ديك ساعة عاد دوي
سيف(حيد خصلة لي هابطة على وجها و صبعانو قاصو خدودها): كنموت في هذه تقة ديالك
حسنى(تبنجات من لمست بعدات عليه و غوبشات):فرضا سامحتك ضربتك مزالة في يدي ا سيف كيفاش عتحيدها
سيف(تبسم):عارف كيفاش نخليك تسامحيني
حسنى(بغات تلف):نبداو وقيلة
سيف:اه

بداو على  المبارزة و سيف مستمتع حيت كل مرة شادها من بلاصة مرة مدور يديه على خصرها مرة شادها من عنقها مرة يديها و هي كتبعد عليه منين متعطيه ضربة كتجيه لكرش او براس السيف باش يبعد منها هو عاجبو الحال و تأتيرو عليها دامت المبارزة حتى ولات حسناء كتنهج و سيف ملاحظ وجها لي ولا مزنگ و مبتاسم شي لي ستفزها هزات السيف عتنزل عليه و هو يلويه ليه بسيفو طار ليها من يديها و تلاح الارض شافت فيه و غوبشات بطفولة

سيف:ربحتك
حسنى(بطفولة):ممحسوباش
سيف:علاش ممحسوباش
حسنى:حيت حيت كنت كنت
سيف(تلفها و هو كي قرب ليها):حيت كنتي اش
حسنى(بهمس):سيف
سيف(شد يديها و حطها على صدرو): روح سيف
حسنى:انا انا 
سيف:ششش منقدرش نبزز عليك شي حاجة عنتسناك تسامحيني لكن زواج ضروري منو
حسنى(بتسمات):سيف
سيف:نعام
حسنى:عمتك
سيف:صافي بركة ا حسناء متجبديش الماضي
حسنى(كتنفس بزربة):لا عتسمعني
سيف:شنو
حسنى:عمتك عمتك هي ماما ااه هي ماما الله يرحمها ا سيف
سيف(حل عينيه على وسعهم):كيفاش
حسنى:كيف سمعتي هي ماما ا سيف
سيف(معرف واش يفرح او يغوبش): بلاتي دابا انت بنت عمتي
حسنى(ضحكات):اااه و انت ولد خالي

سيف ضحك و عنقها حسناء طلعات وحدة من عائلتو شنو خاصو كثر لكن ضغيا عينيها دمعو

سيف:مالك
حسنى:عمي لي قتلها
سيف:كنواعدك غدي ندمو ا حسناء مغديش يبقا شي واحد اسمو اصلان وعد
حسنى(عنقاتو):تايقة فيك

تبسم من هذه الكلمة و هذه الشي لي باغي غير تيقتها فيه زير عليها بيديه حتى عاقو براسهم و بعدات عليه كتحك راسها بيديها شافت فيه و هربات من ضراتو دخلات بحالها و هو هز سيفها دخلو معاه و مشا نيشان الحمام

تصرفاتهم كان نصف كي شوف فيهم منين بداو المبارزة تبسم بفرح حيت لقات بنتو شريك حياتها دخل بحالو و خلاهم على خاطرهم