حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 39

♦ حسناء السلطان ♦

⚜ فاطمة الزهراء مبارك ⚜

⚔ الجزء 39 ⚔

دازو ايام و ايام سيف رجع بحالة لمملكتو و ستاعد بالجنود ديالو و حتى حسنى خرجو كاملين من المملكات بجوج باتجاه ساحة الحرب و فعلا تقامت الحرب لي كان بفوز السلطان و الأميرة

في الحرب تبهر سيف بزااف بحسنى و مهارتها و انها مكتخافش كان دراع الحامي ليها و حتى هي نقداتو من الموت ما مرة ما جوج حتى وصلات لعمها هزات سيفها و طيرات ليه الرأس امام أعين ولدو لي تصدم و كان غاد يقتلها كون ما سيف دخل و و تسبب ليه في قطع اليد لي كانت اتأدي ملكة قلبو الجنود منين شافو القاضية حماضت رجعو الور و نساحبو من تما و بقا ولد عم حسنى بين يدين سيف لي اكيد غدي يتعاقب لعقاب مشي ساهل

دخلو لمملكة الخنساء و شافت حسنى في سيف لي تبسم ليها و تهز علام المملكتين بجوج و نزلو أهل المدينة كانو فرحانين حيت تهناو من حاكم ضالم بحال اصلان

رجعو ادراجهم سيف كي شوف في حسنى بنضرات كلها حب و عشق تبسم حتى وصلو المملكات ديالهم كاملين كانت فرحانين بهذه النصر العظيم و تقامت حفلة على شرف هذه النصر ليهم بجوج

في جناحها كيف ديما جالسة كترتاح من بعد حرب طويلة مرجعة شعرها لور حتى تفتح الباب و دخل سلطان نصف هاز راسو السما مشا جلس حدا حسنى و تبسم

نصف:اش خبار اميرتي
حسنى:الحمد لله ا مولاي
نصف:بغيت ندوي معاك في موضوع كنت مأجلو حتى من مور الحرب
حسنى:خير
نصف:انت عارفة انه وقع صلح بين مملكة يمن الحمراء و مملكتنا و شاركنا في حرب وحدة و ولينا حنا و سلطانها اصدقاء

حسنى(تبسمات)

نصف:لذلك هذه العلاقة لازم عليها تقوى و تزيد القدام
حسنى:كيفاش
نصف(تبسم):سلطان سيف دي اليزن طلب يديك الزواج مني و انا قلت ليه حتى من مور الحرب و نفتاح بنتي في الموضوع و حتى هو معارضش بنتي لهذه الزواج عتقوي علاقة بي***

حسنى(قاطعاتو ببتسامة):موافقة
نصف(تبسم ليها و باس راسها):هذا الجواب لي بغيت تسقيني ا بنتي معتندميش
حسنى:ان شاء الله

ناض و خرج من تما مخليها عطير بالفرحة دورات راسها و هزات سلهامها و دارتو على كتفها غطات شعرها بالقب و خرجات من ممر سري ديالها لقات تما عودها لي ديما مربوط ركبات عليه و نطالقات