حسناء السلطان ســـــيـــــــــــــف حـــــسنـــــــــــــى ( الدارجة المغربية)

الجزء 42

♦ حسناء السلطان ♦

⚜ فاطمة الزهراء مبارك ⚜

⚔ الجزء 42 ⚔

سيف(تبسم) /:اوا العصا لمن يعصا
حسنى(خنزرات):ياااك
سيف(شاف فيها):ولكن الحمار كي تسييس غير بالسياسة و هذا علاش السياس كي فرق الجدع على مو حتى كي علمو
حسنى(تبسمات):و المحضار
سيف :و المحضار كي تعاند و يدير النفس الا كانت وناسة و الولد كي قرأ في المسيد الا كانت منافسة
حسنى:و المراة
سيف: المراه كي عاملها راجلها غير بالسياسة لحقاش بنادم بالكلام الحلو تقدر تگيدو تشكلو

حسنى:اييه ولكن ناس زمان قالو المراه ضلعة عوجة واش كاين هذه الشي ولا لا
سيف(كي شوف انعكاسو في الماء): هذه كاينة الاولين مكدبوش ولكن التانيين ما فهموش

حسنى:كيفاش زعمة
سيف:المرأة خلقها الله ضلعة عوجة والا جينا نعاندو و نقادوها عتهرس لينا و الا تهرسات عنوحلو فيها داكشي علاش قالو ناس زمان المراه ضلعة عوجة مشي ملزومة في الكواد

حسنى(ضحكات و صمت)

سيف(دار عندها و شاف ليها في عينيها): و انت ا اميرتي اشنو تقولي في الراجل
حسنى:تاج المرا وغطا راسها
سيف:و ولادها
حسنى:وثادها و زيدون المرا بلا ولاد كيف الخيمة بلا وثاد
سيف؛و المرا السحارة
حسنى:عشرة بلا ثمارة
سيف:و المراة مغيارة
حسنى:ما تنفع معاها حزارة
سيف:و لحلاحة الحزارة
حسنى:يا اما حنينة بزاف يا اما غدارة
سيف:و المرا المشرارة
حسنى:العيشة معاها غير خسارة
سيف:و المراة بروالة الهضارة
حسنى:سرها راجل صمك و بكم ما يدوي ما يتكلم و يكون يتفاهم غير بالاشارة
سيف(حيد ليها خصلة من شعرها):و زينة المسرارة
حسنى(شدات ليه يديه و بعداتها كتضحك):زين لا زين لفعل اما العين غير غرارة
سيف:و لي يديها خفيفة شفارة مخارة
حسنى:خاصها الراجل ما ينعس حتى يتوسد الشكارة
سيف(ضحك حتى دمعو عينيه):و دواحة مو لخيام لي كضل من دار لدار كتسارة
حسنى:سرها راجل يعرقها في السوق و في الدار ما يعمر معاها عمارة
سيف؛ولي لسانها سليط نكارة
حسنى:مرة هجرها مرة نهرها حتى وكان تگلع منها الضسارة
سيف(طول في الشوفة):و لي كبرات في الخنات لسان ماضي و دراع گاضي لا حداگة ولا شطارة
حسنى:اوا بنادم الا عرف عيبو و خاب بحال لحليب الا فاض

ضحك شدها من يديها و جرها عندو و عنقها

سيف:معندي ما يتسالك راك على بال
حسنى(تبسمات):خاصني نمشي دابا السلطان الا لاحظ غيابي عيتقلق عليا
سيف:واخا

نوضها و توجه بيها الحصان ديالها وصلات ليه و بغات تركب شدها من يديها دارت عندو

حسنى:شنو
سيف:عرسنا بعد يوماين
حسنى(حلات فمها):مشي زربتي
سيف(شد خدودها الورضيين بين يديه): بالعكس راني تعطلت و بزااف
حسنى(هزات براسها):ان شاء الله

باس جبينها و هي ركبات زادت منطالقة يعود ديالها راجعة بحالها اما هو تنهد و شد في شفايفو مبتاسم و رجع بحالو