♦ حسناء السلطان ♦
⚜ فاطمة الزهراء مبارك ⚜
⚔ الجزء 43 ⚔
دازت يوماين كطير و السلطان دياليزن خدا ليه حسنى كعروسة ليه و زوجة ديالو و كذلك ملكة في مملكتو لي غير ساقو الخبار فرحو لملكهم بزااف اما مبروكة منين حطات حسنى رجليها عندها مابغاتش تفارق عليها
الفرح داز 7 ايام كلاو فيها و شربو فيها و الفقراء و المساكين و حتى لي لباس عليهم
واقفة في بيت زر راسها هنا و هنا حيت ليلتها اول ليلة عندها مع سلطان سيف غمضات عينيها و حلاتها و هبطات راسها دارت منين سمعات الباب تفتح و دخلات وحدة باينة عليها هي المشرفة على القصر و جناح الحريم كامل
***:مولاتي مرحبا بيك في قصر سيف دياليزن منين ختارك عروسة ليه كنتمنى تقدي بهذه المقام اما بالنسبة لخادمتك فغدي شكون عندها مهمة اخرى و انا لي غديا ناخد بلاصتها
حسنى(شافت في ياقوت و شافت في دادا و ولات شافت في الخادم):سليتي
***:لا ا مولاتي كاينة حاجة اخرة
حسنى:شنو هي
***:بيتك عيكون حدا بيت لالة ام سيدي
حسنى:علاش بيتي معيكونش مع سلطان
***:حيت خدو قواعد القصرحسنى قربات عندها بسلهامها الابيض لي مزينها تاج و الحلي في ودنيها و يديها خاتم لي هداه ليها السلطان و خنزرات فيها واحد التخنزيرة لي دادا و ياقوت عارفينها
حسنى:هذه القواعد كطبق على الخدم و الجاريات اما انا أميرة و دابا وليت سلطانة و من العائلة الحاكمة ردي بالك لكلامك معايا حيت في اي لحظة تلقاي راسك في مفصول على جسد ديالك خبارك كاملة واصلاني و شنو دايرة في حريم فقط لان سلطانة ام سيدك مريضة و وكلات ليك مهمة بحال هذه وليتي حاسبة راسك من سياد سيادك مشي انت لي عتجي توريني فين عنعس ولا فين عتبات و انا غرفة عنبات فيها حيت هذه الشي بعيد عليك بزااف
***(حنات راسها حيت خوفاتها):امرك الالة
حسنى:من اليوم سوارت القصر يتسلمو لدادا و ياقوت عتولي مسؤولة هنا على الحريم و ياويلك نسمعك درتي شي غلاط منرحمكش غبريييي من قداميسلمات سوارت و حنات راسها خرجات خايفة منها اما حسنى تنهدات و تكات على الحيط باين عليها الخوف دادا قربات ليها و دوزات على راسها
دادا:مالك ا زينت البنات
حسنى:حال بااا گاعمة
ياقوت:راك قريبة ليه و كنضن ان سلطان سيف مغديش يرفض انك تشوفيه
حسنى:عارفة
دادا:مديريش في بالك هذه سنة الحياة ا بنتي ضروري ما لازم البنت تكون في دار راجلهاسمعو الداقن مشات ياقوت تفتح لقات يوسف حاني راسو و نطق:مولاي طالب مولاتي تحظر عندو
سمعاتها حسنى و خرجات مع دادا تابعاهم ياقوت و يوسف حاني راسو و هي نطق ياقوت
ياقوت(كتشوف فيه و قلبها كي ضرب):و انا انت مطالبنيش
يوسف(هز عينو فيها و تبسم):مزال الحال
ياقوت(خنزرات):كيفاش مزال الحال ياك السلطان تزوج و سلات الحرب شنو باقي اخر خاص يدوز
يوسف(تبسم):وليديا يجيو من المحظر باش نطلب يديك
ياقوت(تبسمات ليه):بصح
يوسف:اه
ياقوت(ضحكات):انا انا الله يجيبهم على خيرحرك راسو بلا حولة وصلو جناح السلطان وقفو برا و حسنى فتح ليها الحارس الباب و دخلات عندو لقاتو جالس لابس قميص النوم في البيض مطرز بالسقلي الحر و بلغة نعام ا سي في رجليه و كان الجناح واسع و كبير
YOU ARE READING
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...