အခန်း(၃) အန္တရာယ်နှင့် စပ်လျဉ်းနေသော စူးစမ်းစစ်ဆေးခြင်း။
တိုင်ကဲ့သို့ လုံလုံးရှည်ရှည်ဖြစ်နေသော မှန်လှောင်ကန်၏ထိပ်ဆုံးသို့ လှေကားထစ်တွေကိုနင်းရင်း ကျွန်တော်တက်သွားခဲ့တယ်။ ခြေတစ်လှမ်းအချက မြေကြီးနဲ့ကင်းလွတ်နေတဲ့ လေထုထဲ အမှတ်မထင်ချနင်းမိသလို ဖြစ်နေပြီး ထိုရေသူထီး၏အနားမှာ ရပ်နေမိသည့်တိုင် သူက ဘာတုံ့ပြန်မှုမှမပြုလုပ်ပဲ ရေလှောင်ကန်၏ မှန်သားနံရံကို တိတ်ဆိတ်စွာ မှီတည်ရင်း ကျွန်တော် မလာခင်ကအတိုင်း ငြိမ်သက်နေသည်။ သူ့ပုံစံက သတိကြီးကြီးထားမှုမရှိဘဲ နှစ်ခြိုက်စွာ အိပ်စက်နေတယ်လို့တောင် ထင်ရစေသည်။
ကျွန်တော်က ကျွန်တော့်ရဲ့ခြေလှမ်းနဲ့ လှုပ်ရှားမှုကို သေသေချာချာဂရုစိုက်လိုက်တယ်။ ရေသူထီးရဲ့ ငြိမ်သက်နေတဲ့ပုံစံက ကျွန်တော့်အတွက် မှတ်တမ်းရိုက်ကူးထားဖို့နဲ့ စူးစမ်းလေ့လာဖို့အတွက် အတော်ကို အခွင့်သင့်နေတာမို့ ကျွန်တော်က မီးအလင်းချောင်းကို ဘေးတစ်ဖက်မှာထားလိုက်ပြီး DV ကင်မရာမှ ညဘက်ကြည့်သည့် မြင်ကွင်းကိုဖွင့်လိုက်ကာ ကိုယ်ကို မှန်လှောင်ကန်မှာမှီထားရင်း ခေါင်းမှနေ အမြီး၊ အမြီးမှနေ ခေါင်းအထိကို ရှုထောင့်အစုံမှ ပုံရိုက်ခြင်း စတင်လိုက်တော့သည်။ အလင်းရောင်မှိန်ဖျော့ဖျော့သာရှိသော ရေထဲ၌ စမ်းချောင်းကဲ့သို့ ဟိုဘက်ဒီဘက် ကွေးညွတ်ကျနေတဲ့ အမြီးရှည်ကြီးက ရေမှော်ပင်တွေကြားထဲ ရစ်ခွေနေသည်မှာ စပါးအုံးမြွေကဲ့သို့ ဖြစ်နေသည်။ တောင်ပံသဖွယ်ဖြစ်နေတဲ့ သူရဲ့ရေယက်သုံးခုက အမဲရောင်မီးခိုးငွေ့များကဲ့သို့ တစ်ခုနှင့်တစ်ခု ထပ်လျက်တည်ရှိနေပြီး ပြည်ကြီးငါးတို့ အုပ်စုလိုက် မှုတ်ထုတ်ထားတဲ့ အနက်ရောင်မှင်ရည်တွေနှင့်လည်း ဆင်တူနေသည်။
ဒီလိုမြင်ကွင်းမျိုးနဲ့ ကျွန်တော် ဘယ်လိုမှသဟဇာတဖြစ်မနေ။ မှန်လှောင်ကန်မဟုတ်ဘဲ ပင်လယ်ရဲ့အနက်ပိုင်းမှာရှိနေမယ့် သူ့ရဲ့ပုံစံကိုမြင်ယောင်ကြည့်ရင် တစ္ဆေလိုလိုသတ္တဝါကြီးကို ကြည့်နေရသလိုဖြစ်နေပြီး ငရဲပြည်က မကောင်းဆိုးဝါးအရိပ်ကြီးကို မြင်တွေ့ရသလိုလည်း အလွန့်အလွန်မှ ကြောက်လန့်စရာကောင်းနေမည်။
YOU ARE READING
Desharow's Merman
RomanceDesharow Merman (德萨罗人鱼) Total-116 Author: 深海先生 Translators: Cheonsa_I_Bl & Jade(co). Editors: rad_pigeon I'm not own this story and it's my retranslation.
