ကျွန်တော့်ကိုအံ့အားသင့်သွားစေတာက ဒီဇီဝဗေဒ ဌာနချုပ်ရဲ့ ကောင်းမွန်လွန်းလှတဲ့ တည်ဆောက်ထားမှုပုံစံပါပဲ။ ဒါဗင်ပြောချက်အရဆိုရင်တော့ ဒီနေရာက ကမ်းဦးရေတိမ်ပိုင်းကနေ ဆက်လျက်တည်ဆောက်ထားပြီး အဆောက်အဦးတစ်ခုလုံးက ပင်လယ်ပြင်ဘက်ထိုးထွက်နေကာ ခေါင်မိုးပုံစံကလည်း ဆူနာမီ ရေလှိုင်းဒဏ်ကိုခုခံနိုင်တဲ့ Sydney Opera House ပုံစံမျိုးပင်။
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
-----------------------------
အခန်းအပြင်ကိုထွက်လိုက်သည်နှင့် အပြင်ဘက်ကော်ရစ်တာကိုချက်ချင်းရောက်ပြီး တစ်ဆက်တည်းသတိထားလိုက်မိသည်က ကျွန်တော်တို့က ပင်လယ်ရေအောက်ထဲရောက်နေပြီး အပြင်ဘက်ကအရာအားလုံးကို ကာရံထားတဲ့မှန်များမှတစ်ဆင့်မြင်နေရခြင်းဖြစ်သည်။
ဒါဗင်ရှင်းပြတာတော့ ဒီနေရာကို မြေအောက်ရေလှောင်တမံလို့ခေါ်ပြီး ကမ်းလွန်ပင်လယ်ပြင်ထဲ ရေအောက်ခြေအနက်တစ်ခုထိတည်ဆောက်ထားတဲ့ ရေအောက်ဓာတ်ခွဲခန်းဆိုပဲ။ ရေအောက်ခြေဓာတ်ခွဲခန်းနေရာဆီရောက်ဖို့ဆို ကျွန်တော်တို့က ဓာတ်လှေကားကို အသုံးပြုပြီး သွားရမယ်။
ဓာတ်လှေကားမှတစ်ဆင့် အောက်ခြေဘက်သို့ ဖြည်းဖြည်းချင်းဆင်းသွားသည်နှင့် သမုဒ္ဒရာအောက်ခြေပိုင်းတွင်ရှိသော ကမ္ဘာဖြစ်တာကြောင့် ကျွန်တော့်တစ်ကိုယ်လုံး တောင့်တင်းပြီး မူးနောက်နောက်ဖြစ်သွားသည်။ ကျွန်တော်တို့ရောက်နိုင်တဲ့ အနက်ဆုံးနေရာက ကမ်းဦးရေတိမ်ပိုင်းကုန်းဆွယ်၏အောက်ခြေပတ်လမ်းသာဖြစ်ပြီး ကမ်းဦးဆင်ခြေလျှော၏ အနည်ထိုင်နေသောအောက်ခြေအလွှာမှ မိုင်ပေါင်း တစ်သိန်းရှစ်သောင်းကွာဝေးသည်။ ပိတ်ပိန်းအောင်မှောင်မိုက်နေသောဇောက်နက်ကြီးကိုသာကြည့်ရင်း စိတ်လှုပ်ရှားခြင်း၏ ရှုပ်ထွေးမှုခံစားချက်များတိုးဝင်လာကာ ကြောက်ရွှံ့ခြင်းတို့က ပေါက်ကွဲထွက်ဖို့အတွက် တာဆူနေတော့သည်။
BINABASA MO ANG
Desharow's Merman
RomanceDesharow Merman (德萨罗人鱼) Total-116 Author: 深海先生 Translators: Cheonsa_I_Bl & Jade(co). Editors: rad_pigeon I'm not own this story and it's my retranslation.
