"ကိုကို"
မဖြစ်နိုင်သည့် ကိစ္စတစ်ခုကြောင့် စိုင်းမာန်သစ် အတော်ပင် အံ့သြနေရသည်။ အပြုံးတွေနဲ့ သူ့ကို Lollipop ပေးခဲ့ဖူးသည့် အိမ်ဘေးက ကိုကိုသည် ဘုန်းပြည့်အာဏာဟူသည့်အချက်ကို လက်ခံနိုင်ဖို့ အတော်ကြိုးစားနေရသည်။
ပြောင်းလဲသွားတာတွေအများကြီးရှိလျက်နှင့်ဘုန်းပြည့်အာဏာကို မြင်ရင် စိုင်းမာန်သစ် သူ့ကိုကို့ကို သတိရမိတာတော့အမှန်ပင်ဖြစ်သည်။ အကြောင်းအရင်းက ဘုန်းပြည့်အာဏာကလည်း ကိုကိုဖြစ်နေတာကြောင့်မို့လား။
သူ့ကို Lollipop ပုံမှန်၀ယ်ကျွေးတတ်တဲ့၊ သူ့ခေါင်းကို ဖွဖွပုတ်ပေးတတ်တဲ့၊ သူ့အပြုံးတွေကို မြတ်နိုးတဲ့ ကိုကိုက ဘုန်းပြည့်အာဏာတဲ့လား။
"ကိုကို့နာမည် ဘုန်းပြည့်အာဏာ"
၀ေ၀ါးနေတဲ့ မှတ်ဉာဏ်ထဲက အသံက ရုတ်တရတ် နားထဲကိုထိုး၀င်လာသည်။ စိုင်းမာန်သစ်ရဲ့ နှလုံးခုန်နှုန်းက ညနှင့်အတူ တဖြည်းဖြည်းချင်း မြန်လာသည်။ သူဟာ လူနှစ်ယောက်ကိုချစ်မိခဲ့တာမဟုတ်ပါဘဲ လူမှန်းမသိခင်အရွယ်ကပင် တစ်ယောက်တည်းကို နှစ်နှစ်ကာကာ သံယောဇဥ်တကြီး ချစ်ခဲ့မိတာဖြစ်သည်။
________________________________________________________________
ဘုန်းပြည့်အာဏာနိုးလာတော့ အခန်းထဲမှာ စိုင်းမာန်သစ်ရှိမနေ။ စားပွဲပေါ်က ဆေးနဲ့မုန့်ကြောင့် မနက်မှထပြန်သွားသည်ဆိုတာကို သိလိုက်ရသည်။ ဘုန်းပြည့်အာဏာ ဖုန်းထဲကို တန်း၀င်လာတဲ့ မက်ဆေ့ချ်အသံကြောင့် ဖွင့်ကြည့်လိုက်မိရာ စိုင်းမာန်သစ်ဆီက ဖြစ်နေသည်။
*ပေါင်မုန့်က မနေ့ညနေကဟာပဲ၊ စားပြီးဆေးသောက်ဖို့မမေ့နဲ့ ကျွန်တော် ရုံးချိန်ပြန်လာမယ် အဖျားကတော့ ကျနေပြီရယ်
မက်ဆေ့ကဖတ်ရင်းနဲ့ပင် ဘုန်းပြည့်အာဏာ စိုင်းမာန်သစ်ရဲ့ ပူညံပူညံအသံတွေကို ကြားရသလို ခံစားလိုက်ရသည်။
"အဟွန်း ကောင်စုတ်လေး"
ဘုန်းပြည့်အာဏာမပီသစွာ ရွတ်ဆိုလိုက်မိတဲ့ စကားလုံးက အခြားသူကြားရင် အံ့သြလို့ဆုံးမည်မဟုတ်။ ဘုန်းပြည့်အာဏာ ဖုန်းကိုချလိုက်ကာ ရေချိုးခန်းထဲကို၀င်သွားလိုက်သည်။ သေချာသည်ကတော့ မုန့်စားပြီးရင် ဆေးသောက်ဖို့ ဘုန်းပြည့်အာဏာမေ့မည်မဟုတ်။
YOU ARE READING
LOLLIPOP
RomanceLOLLIPOP Bhone Pyae Ar Nar X Sai Mann Thit Published Date: September 6,2021 Just OliviaThet-Eleanor's imaginary story.
