"ကိုကို ရော့"
အလုပ်လုပ်နေတုန်း သူ့ဆီကို Lollipop တစ်ချောင်းထိုးပေးလာတဲ့ စိုင်းမာန်သစ်ကြောင့် ဘုန်းပြည့်အာဏာမော့ကြည့်လိုက်မိသည်။ သူ့တီရှပ်လက်ရှည်ကိုသာ ၀တ်ထားပြီး ရုံးခန်းထဲကို ရောက်လာသူကြောင့် ဘုန်းပြည့်အာဏာမှာ တံတွေးမြိုချနေရသည်။
"ဘယ်တွေကြည့်နေတာလဲ ဒါကိုကြည့်"
အကြည့်လွန်နေတဲ့ သူ့ရှေ့ကို Lollipop ကိုထိုးပေးမှ ဘုန်းပြည့်အာဏာ သတိ၀င်လာရသည်။ သူ့မျက်လုံးရှေ့ကို ရောက်လာတဲ့ Lollipop ကိုကြည့်တော့ ဘယ်ခုနှစ်ကတည်းက Lollipop ရယ်မသိ။ တံဆိပ်ကိုပင် မမြင်ရတော့ အရောင်ပြယ်နေပြီဖြစ်သည်။
"ဘာလဲ အသစ်ရဲ့"
"ဒီနေ့ ဘာနေ့လဲ?"
စိုင်းမာန်သစ်ရဲ့ အမေးကြောင့် ဘုန်းပြည့်အာဏာအပြေးအလွှားစဥ်းစားလိုက်မိသည်။ ဒီနေ့က October 30 လား။ မဟုတ်။ October 30 က စိုင်းမာန်သစ်သူ့ဆီကို အပြေးရောက်လာပြီး လွတ်ထွက်မတတ်ဖက်ထားခဲ့တဲ့နေ့။ ပြောရရင် သူတို့နှစ်ယောက်ရဲ့ တစ်နှစ်ပြည့်ပေါ့။
အခုက September 9 ရက်ရှိသေးသည်။ တစ်လကျော်တောင်လိုသေးတာ။ ပထမဆုံးနှစ်ပတ်လည်ကို ဘုန်းပြည့်အာဏာမေ့စရာအကြောင်းတော့မရှိ။ ဒါဆို ထိုကောင်လေးက ဘယ်နေ့ကို ပြောနေတာလဲဆိုတာ ဘုန်းပြည့်အာဏာ အပြေးအလွှားစဥ်းစားနေရသည်။
"ကိုကို မသိဘူး ဘာနေ့လဲ?"
စိုင်းမာန်သစ်က ဘုန်းပြည့်အာဏာနားနားကို ကပ်လာပြီး တိုးတိုးပြောသည်။ လေတိုးသံနဲ့ ပြောလိုက်တာကြောင့် ဘုန်းပြည့်အာဏာမှာ အားစိုက်နားထောင်ရင်း အံ့အားသင့်သွားရပါသည်။
"H a p p y 31th b i r t h d a y ko ko"
"ဟင်"
ညက ဆယ့်နှစ်ကျော်ရင် တန်းပေးဖို့ လာတာကို ဘုန်းပြည့်အာဏာက အတင်းသူ့ကို ထကိုမထနိုင်အောင်လုပ်လိုက်လို့ ဒီလိုအချိန်တွေနှောင်နှေးသွားရတာဖြစ်သည်။ အိပ်ရေးပျက်ခံပြီး ဆယ့်နှစ်ကျော်ကွက်တိ လာWish တာပေမယ့် အိပ်ရေးပျက်ရသည့် အကြောင်းအရင်းက အခြားဟာဖြစ်သွားသည်။
"မွေးနေ့လေ ကိုကို့မွေးနေ့"
"ဟင်"
"တကယ်ကိုမေ့နေတာပဲ"
YOU ARE READING
LOLLIPOP
RomanceLOLLIPOP Bhone Pyae Ar Nar X Sai Mann Thit Published Date: September 6,2021 Just OliviaThet-Eleanor's imaginary story.
