စိုင်းမာန်သစ် စိတ်တွေလုံးဝကို ကဗြောင်းကပြန်ဖြစ်သွားရသည်။ ခုဏက မောလာတာတွေတောင် အကုန်လွင့်ထွက်ကုန်သည်အထိပင်။ ရင်ဘတ်ကလည်း ပေါက်ထွက်တော့မတတ်ကို ခုန်နေတာ။ သူချစ်ရတဲ့သူရင်ခွင်ထဲမှာ အချီခံထားရတာလေ။ ဒါနည်းတဲ့ ကုသိုလ်ကံမဟုတ်ဘူး။
ဘုန်းပြည့်အာဏာက ဘာရည်ရွယ်ချက်တွေနဲ့လုပ်နေမှန်းမသိပေမဲ့ စိုင်းမာန်သစ်က သေပျော်နေပြီ။ စိုင်းမာန်သစ်က ဘုန်းပြည့်အာဏာအပေါ်ကို ဘယ်သူ့ကိုမှ မထားဖူးတဲ့ စိတ်မျိုးနဲ့ကို ချစ်မိနေတာ။ ဒါကို တစ်ခါတလေ ဘုန်းပြည့်အာဏာဆိုတဲ့လူကြီးက သူ့ကို အမြင်ကပ်အောင်တအားလုပ်သေးတာ။
မွေ့ရာပေါ်ကို အင့်ကနဲ့ ပစ်ချခံလိုက်ရတာကြောင့် စိုင်းမာန်သစ် မအီမသာတော့ဖြစ်သွားရသည်။
"ခဏအိပ်လိုက် နေ့လည်သွားမှာ"
ဘုန်းပြည့်အာဏာ စိုင်းမာန်သစ်ကို ချပေးခဲ့ပြီး အတွေးတွေက ခေါင်းထဲမှာမီးတောက်နေပြီ။ ဘယ်လိုလုပ်အဲဒိကောင်လေးကို ချီလိုက်မိတာလဲဆိုတာက တွေးလို့ကိုမရတဲ့ ပုစ်ဆာပင် ဖြစ်သည်။
အတွေးထဲမှာ အိမ့်မှူးသော်က နေရာပြန်ယူလာပြန်တာကြောင့် စိတ်တွေက တကယ်ကို ရှုပ်ထွေးနေပြီ။ စိုင်းမာန်သစ်ကို သူဘယ်လိုလုပ်ပစ်ရမလဲဆိုတာကလည်း ခေါင်းတော်တော်စားသည်။ စားပွဲပေါ်ကိုထိုင်လိုက်ပြီး လုပ်လက်စအလုပ်စီကို အာရုံစိုက်ဖို့ကို တော်တော်ကြိုးစားလိုက်ရသည်။
___________________________________________________________
စိုင်းမာန်သစ် တစ်ရေးနိုးလာတော့ အသာထကာ ဘုန်းပြည့်အာဏာရုံးခန်းရှိရာကို ခြေဦးလှည့်မိသည်။ စာရွက်တွေကို တစ်ရွက်ချင်းလှန်ကာ အလုပ်အပေါ်ကို အာရုံစိုက်နေသော ဘုန်းပြည့်အာဏာကို မြင်ရတာ တကယ် စိတ်ကြည်နူးစရာ။
လွန်ခဲ့တဲ့ နှစ်နှစ်အတွင်းမှာ သူဘုန်းပြည့်အာဏာကို ပုံရိပ်ကလေးနဲ့တင်စွဲလမ်းခဲ့ရတာဖြစ်သည်။ အခုသုံးလေးရက်အတွင်းမှာ သူဘုန်းပြည့်အာဏာကို အရောင်စုံမြင်လာရသလို။ လူတစ်ယောက်ကို အတွင်းကျကျသိလေ အဲ့ဒီလူအပေါ်ထားတဲ့ အမြင်တွေက လျော့ရဲလာတတ်သည်တဲ့။
YOU ARE READING
LOLLIPOP
RomanceLOLLIPOP Bhone Pyae Ar Nar X Sai Mann Thit Published Date: September 6,2021 Just OliviaThet-Eleanor's imaginary story.