سبحة وتراچي2
من كتابات زهراء العراقية
الفصل الثاني عشر
تنويه السنوات الي عبرتها بالبارت 11
من سنة 2009الى 2017
___________
"ربِّ لا تذرني فردًا وأنت خير الوارثين".
*شجاع
جنا بنص شهر رمضان
ورحت ويه ابوي
من عزمه عمي على
الفطور واهناك جانو
اولاد عمامي وهوسة صايره
جان هادي يحجي وياي
،
دخلت جوهرة و
جان تشاور اخوها
كدامي واكفة
دنكت وانه اتذكر
الحاح أنتصار من سنتين
اتزوجها وانه رافض
فكرة الزواج الثاني
هادي - ها شجاع شكلت
نروح
رفعت راسي وانه
ما عارف وين نروح
ولمحت مختار جان
يباوع الي بس من
انتبهت دار وجهه
انه رايد خلفة
رايد ينصاح الي
صارلي ١١ سنة
متزوج بلا ضنى
وحجي ابوي
والحاحه المستمر
والحاح اخوتي
عبد الله وعبد
الرحمن و خضر
والاصدقاء و حتى
المعارف
خلى فكرة الزواج
تقرب أكثر
بس بعدني
مستصعب اكسر
گلب انتصار حتى أرتاح انه
رجعت من عزيمة عمي
وسامع حجي واقناع بالزواج
الثاني ما يكفيني
نعسان واريد الف راسي وانام
وراية دوام
دخلت للبيت ولكيت
أحمد يمنا
بالغرفة منطيته تليفونها
باوعت للساعة وكلت
- متأخر الوكت
ما دزيتيه لأمه
انتصار-اخاف وحدي
خليه اتصلت بأمه
وكلت الها يبات يمي
وقبلت
-هاا
علاقتج بهديل
مطورة
- شسوي قريب بيتها عليه
وانه هم اريد ونس اضوج وحدي
والگرابة طلعن ما بيهن حظ!
جنت أبدل
انطرحت يم احمد
وسحبت التليفون منه
-نام عمي
حطيت راسه على ايدي جابرة
-ما عمو حباب بس اشوية
ما اديه يريد التليفون
شمرت الجهاز على انتصار
و جبرته ينام يمي
- ها خضر
منتظرة ردك
- أسكتي
- خوش بنية و راعية حمولة
تشيلك وهم تكعدها يم ابوك
بت اخوه ويحبها
-تسكتين
لو اروح انام برة
كعدت وتربعت كدامي
على الجرباية
والطفل غافي
- اريد ارتاح شجاع
ريحني وخليني أشوف بحضنك
طفل
أنت تقرأ
سبحة و تراچي
Mystery / Thrillerثم ماذا يا أبي؟ ثم حافظ على أخوتك يا بني أمك وأنا كخيط المسبحة شددنا أزركم وأخوتك كالخرز وانت المأذنة أن وقعت فرطت الحبات يا ولدي لزهراء العراقية
