سبحة و تراچي

الفصل الثلاثون2

سبحة وتراچي2

من كتابات زهراء العراقية

الفصل 30

للي تكولون ماكو تكملة احذفوا القصة ورجعوها للمكتبة تظهر

*زين
ولو أننا كان بيننا يومًا نزاعٌ وتناصر لي كلُّ الناس عليكِ لكنتُ معكِ أنت نصيرًا لكِ عليهم وعليّ!!!
فانتصاركِ عليّ إنما هو انتصارٌ
لذلك العهد الكامن في نفسي بألا يمسَّك من نفسي أذى

حاط جانب سبابتي جوة خشمي اداعب شاربي و اني كاعد أشوف سلام هالاحمد
مدلي ايده
مديت ايدي بتأني واني براسي اهواي افكار اريد اسويها بهاي اللحظة
مثلا اضربة بوكس كدامها!!!!
صافحته واني كاعد بمكاني

أحمد
-صفاء تعالي لحظة
رفعت تك حاجب مستنكر أمره الها كدامي
ابتسمت واني اشوفها تباوع الي بحذر وهي تطلع من خلف مكتبها ومشت وراه
تأخرت خمس دقايق!
كمت طالع وعايفهم وتارك المكان من غير ما اوقع و اكمل إجراءات التبرع
سيارتي السودة مركونة

السايق نازل وساند نفسه على السيارة من شافني فتح الي الباب دخلت وكتله اطلع على الجمعيات..

خابرت ايمن والسيارة توها مشت

- تغير احمد

- اهلا وسهلا ريس
تأمرني
بس لا تأخذني منوأحمد؟

-الي معينه مدير للمؤسسة

-أستاذ هذا كفائة هو الي وكفها على حيلها
و سمع الها صيت بشغله المتقن
و جمع الها متبرعين بحيث هي قايمة
عليه

رديت بزجر

- يتغير بأكفئ منه واذا ما اتغير خلال ٣٠ يوم
اهدها على راسكم

- تم
تم تأمر
يتغيير

- شوف شخصية كفئ غيرة
عمره من ٥٠ فما فوق
واذا جان مرة يكون احسن

-أبشر
بس هو بدر منه شي شفت عليه لزمة

-شوف شغلك

-بس لازم اعرف شنو عرفت عنه
اختلس او

- أيمن نفذ وانت ساكت..

سديت الخط واني ثاير من الغضب واريد ادخل احط طلقة براسة هالكلب

انه موصي عليها ،أيمن وخليته يطلب من ام علي تدخل على صفحتها الخيرية وتعرض عليها
تتعاون وياهم الى أن خليتها تجي لهنا وتشتغل حتى تصير جوة انظاري
يطلع الها واحد بالاساس ما اعرفه
اني رجل واعرف الرجال من ينعجب بمرة اشلون يباوع الها ،

دخلته علينا واضحه معانيها واني راح اقطع رجلة منا!!!
خايف عليها منه ، شخصيتها تجذب وتلفت وواضح هالابن الحرام خلوق وابن حلال!
و واعي يجذبه هيج نوع حتى لو مطلقة ومو يافعة
الا انه موصي بعزل النساء عن بقية الموظفين من يوم تعينها اهنا لليوم!!!
ليش دخل من اجيت وكومها..
انه امر ايمن و يصير الي اريده من غير ما ادخل..
حتى المؤسسة مو بأسمي قطعة بأسم ايمن وهو ظاهر ومشكوك بأمره وراه شخصية تدعمه