سبحة و تراچي

الفصل الثاني والثلاثون2

سبحة وتراچي2

من كتابات زهراء العراقية

الفصل ٣٢

*شجاع
إنْ سـاءلوكِ فـقولي:
كـان يعشقني
بـكلِّ مـا فـيهِ من عُنفٍ.. وإصرار

وكـان يـأوي إلـى قـلبي.. ويسكنه
وكـان يـحمل فـي أضـلاعهِ داري

جنت كاعد بالصالة وافكر اخابر زين
اخذ منه مبلغ يسد مصاريف المستشفى
لان جوهرة فرضتها وكالت اني ادفع
وما اولد طبيعي،
وافقت عادي ما يغلى عليهم بس ما متمكن على المبلغ  بيدي هسة
تقريبا نصه و هم عندي مصاريف ما بعد الولاده ومصرف بيتي هذا
واني كل الي عندي ٦٠٠ الف

ورة دقايق
باوعت للفلوس الي حطتهن  كدامي
-هاك

- شنو هاي؟

ابتسمت انتصار بسخرية وكالت
-أفلوس

-اعرف افلوس مال شنو

-ادري بيك ماعندك مصاريف العملية
اخذهن وبعدين عود ردهن

- خو اخليها هي تدفع
ماكو الفرق اذا اخذ افلوسج!

كعدت على الارض كدامي
ومدت رجليها وانتجت مثلي على القنفة 

-الفرق ذني افلوسك
وانه ضامتهن للكاع ما يأثر عليهن الشي
المليون
قابل انه باجر اريد اشتري كاع يحسرة
اخذه وسد مصاريفك
ادري بيك ما تقبل تاخذ من راتب مرتك

-هو ما بيها شي
اخذ منها
بس مرت عمي سمعتني حجاية
يمكن ما الها قصد
من كالتها بس حسستني ما عندي
وانه رفضت بسبب كلمتها

-جا خوش
اخذهن والله كريم
واذا احتاجيت اكثر الصندوك يمك بالكنتور واخذ منه .
اكوم اسويلك جاي
سندت ايدها على الارض رادت تكوم
لزمتها وجريتها

بستها حيل

ضحكت وكالت
-مو اهنا الجهال يشوفوني

ضحكت وكلت وهي وجها كدامي
-ياريت عندي منج جهال ويشوفون

ظلت مبتسمه و تحدد بلحيتي بطرف ابهامها..

- تدرين جنت حاير حيل
بس ما فكرت امد ايدي على افلوس الصندوك
لأن اعرف اذا اخذتهن منه ما ردهن
خفت لا اجاوز على حقج حتى لو جانت مني الفلوس

-حبيبي دامك سالم تعوضني قابل شكد ماخذ منهن

كامت عني واني مرتاح البال من طلعت منها ، وممتن لتسهيلها عليه جنت خايف اكول الها اخذ من الصندوك الي صارلها ست سنوات تجمع بيه تاخذ مني مبالغ وتجمع  حتى تشتري كاع وما اعرف المبلغ حتى شكد بيه بزواجي ما ساعدتني منه ولا طلبت  منها لأن جانت مجروحه وموافقه على غصب من ارادتها
دائما!!
الا هي دائما چبيرة بنظري بهواي مواقف
تقوي حبي الها...