PART6(موعد)

1.6K 119 7
                                    

مرت الأيام بسرعة حتي أتي اليوم الموعود..أنه يوم الجمعة موعد اللقاء...

إستيقظت "ملك" ووالدتها من الصباح الباكر لتنظيف البيت وصنع الطعام ، بعد الإنتهاء من التنظيف قررت "ملك" الذهاب لشراء ثياب جديدة حتي تظهر في أبهي صورة لديها..
بينما هي تطلع علي الثياب في أحد المحلات وقعت عينها علي فستان بلون السماء يحتوي علي نقش ورود خفيفة يبدو طفولي قليلا لكن لا بأس به ، لقد أعجبها فقررت شرائه وأنتهي الأمر."

بعد وصولها للمنزل وقبل صعودها غرفتها استوقفتها والدتها "وفاء" تناديها بنبرة مترددة جادة قائلة:

"ملك تعالي نتكلم شوية.."

إستجابت "ملك" لطلبها وأردفت بتساؤل وهي تقف أمام ، ظنت أنتها ستعطيها بعض النصائح عن كيف تتصرف برقي في المساء فإبتسمت داخليًا قائلة:

"إيه يا ست الكل أؤمري"

تنهدت "وفاء" بعمق لتفتتح حديثها قائلة:

"إيه رايك نكلم حد من إعمامك يجي يقابل معانا الناس.."

إختفت إبتسامتها عندما وقع علي مسمعها ما قيل للتو لتردف بإستنكار وقهر.:

"بس أنا مليش أب علشان يكون ليا إعمام ، هتكلميهم علي أساس إيه!"

نهرتها "وفاء" بلوم قائلة:

"ملك متتكلميش كده ، مهما حصل هيفضل أبوكِ واسمك مرتبط باسمه"

نظرت لها "ملك" بأعين خاوية ، ثم صاحت بملامح جامدة.:

"متكلمش كده إزاي هو انا بقول حاجة غلط! مش ده اللي سابنا وأنا عيلة لسه معرفش يعني إيه أب ، حرمني مني من قبل ما أعرف أنطق كلمة بابا حتي...عاوزانا نكلم إخواته عشان يحرجونا قدام الناس ، حضرتك فاكرة ناس زي دول هينصفونا ولا هيقولوا كلمة كويسة في حقنا!.."

بكت "وفاء" بقهر ثم قالت بقلة حيلة:

"أمال هنقابل الناس لوحدنا يا ملك...هيقولوا ملناش حد.."

صاحت "ملك" بضيق بعدما فشلت في التحكم بأعصابها.:

"صغيرين إحنا ولا إيه مش فاهمة؟ لو حضرتك موافقة تقابليهم يبقي بلاش منها خالص وهكلم عمر الوقتي وأنهي الموضوع نهائي ، إنما أنا مليش حد غيرك لا أب ولا إعمام ، ولو حصل وحد منهم جيه هنا انا هسيب البيت وأمشي."

أردفت "وفاء" في محاولة أخيرة لتبين لها وجهة نظرها.:

"أقعدي وأسمعيني بس أنا كان قصدي.."

اناتولي (مكتملة)Where stories live. Discover now