"اليوم يكون قد مر أسبوعان علي ذهاب احمد وزوجته إلي إيطاليا ، وها هو موعد وصولهما بعد ساعات قليلة.."
احمد:فين جواز السفر بتاعي!
"ظل احمد يبحث لوقت طويل لدرجة أنه قام بقلب الغرفة رأسًا علي عقب"
"عادت نور من الخارج لتجده يجلس علي طرف الفراش ويخبئ وجهه بيده"
نور:مالك يا حبيبي حصل حاجة ، وليه الأوضة شكلها كده..
"سألت نور بملامح قلقة وجثت علي ركبتيها أمامه ظنًا منها أن به سوء"
"رفع رأسه لها بملامح حزينة وقال بنبرة يأسه"
احمد:جواز السفر بتاعي مش لاقيه والطيارة كمان كام ساعة
نور:يعني ده كل اللي مزعلك؟
احمد:بقولك جواز السفر ضاع وكده مش هعرف أرجع مصر ، هو اه انا مش عاوز أرجع بس الطيارة هتفوتنا
"ضحكت نور بخفة ثم نهضت وتوجهت ناحية إحدي الحقائب التي تحتوي علي ملابسهم وأخرجت منهم جواز السفر خاصته"
نور:ما انت لو كنت ساعتني وانا بجهز الشنط مكنتش إحتارت كده وفضلت تلف حوالين نفسك
"أخذ جواز السفر من يدها وقام بلف يده الأخري حول خصرها ثم قبل وجنتها وقال بنبرة حنونة"
احمد:Grazie amore mio.."شكرًا لك حبيبتي"
نور:ذلنا بقي عشان عارف كلمتين إيطالي
"علت ضحكاته وهو ينظر لهذا التعبير الطفولي علي وجهها"
احمد:كلمتين بس! انا معايا اربع لغات غير اللغة الأم يا روحي
"نظرت له بدهشة وقالت بنبرة غير مصدقة"
نور:معاك أربع لغات!
احمد:اه طبعًا ، معايا إنجليزي وإيطالي وفرنساوي، وتركي ، وكنت بتعلم ياباني بس الشغل واخد كل وقتي ومبقيتش بهتم أوي..
"تمسكت بقميصه وقالت بأعين لامعة"
نور:طب قولي بحبك بكل اللغات اللي معاك دي
"كتف يديه وقال بنبرة خبيثة"
احمد:وإيه المقابل..؟
"وخزت كتفه بحنق ثم قالت"
نور:بلاش إستغلال بقي وقول عشان أصدقك
احمد:I love you , Je vous aime , ti amo , Seni seviyorum , بـحـبـك..
"كان صوته دافئ وحنون لدرجة تبعث الطمأنينة في النفس ، طبع قبلة علي شعرها ثم إبتعد وجلس علي الفراش"
احمد:مفيش أي إمتنان لزوجك المثقف!
"إبتسمت بهدوء ثم أخذت خطواتها ناحية الطاولة بجانب الباب ثم إلتقت وردة كانت قد وضعتها عندما دخلت"
YOU ARE READING
اناتولي (مكتملة)
Romanceمن أصدق عِبارات الحُب،عندما تُحب إنساناً ولا تعرف لماذا أحببته." قد تبدو لك البداية سلسلة لكن ما خُفيَ كان أعظم ماهو الحب برأئيك..؟ "عندما تشعر أن أنفاسك ثقلت حينما يمر طيف محبوبك في ذاكرتك وخفقات القلب أصبحت تُقرع مثل الطبول مخترقة عظميات صد...
