"ဒီကိုပေး..."
"ဟင်..."
"လွယ်အိတ်ဒီကိုပေး..."
အဖြေကိုစောင့်မနေတော့ဘဲ ဝမ်ရိပေါ်သူကိုယ်တိုင်ပင် ကျန့်ကျန့်ကျောပေါ်မှာရှိနေတဲ့ ကျန့်ကျန့်၏လွယ်အိတ်လေးကို ဆွဲယူလိုက်သည်။
ဒီနေ့က သူတို့တွေ ပထမဦးဆုံး တက္ကသိုလ်တက်သည့်နေ့။ ဝမ်ရိပေါ် ၏အကြံပေးမှုကြောင့် သူ့အဖေ ဝမ်ဖေးရန်က ကျန့်ကျန့်ကို ဝမ်ရိပေါ်နှင့် တစ်ကျောင်းတည်းထားခြင်းဖြစ်သည်။
သူတို့တက်မည့်ကျောင်းကတော့ နိုင်ငံတကာအဆင့်မီတဲ့ ကျောင်းမျိုးဖြစ်ပြီး သူတို့နှစ်ယောက်၏ မေဂျာတွေကတော့ ခြားနားလှသည်။ ဝမ်ရိပေါ်ကတော့ သူဝါသနာလည်းပါပြီး သူ့အဖေဖြစ်သူတက်စေချင်သည့် စီးပွားရေးမေဂျာကိုယူသည်။ကျန့်ကျန့်ကတော့ သူဝါသနာပါသည့် ကာတွန်းရုပ်လေးတွေဆွဲတာ သင်တဲ့မေဂျာကိုယူသည်။
ထုပ်ထုပ်ကတော့ ကျန့်ကျန့် ကျောင်းပြန်တက်ရတော့မယ်ဆိုတော့ စောစောစီးစီးအိမ်လာပြီး ငိုကြွေးခဲ့တာ။ရေခဲမုန့်ဝယ်စားဖို့ ပိုက်ဆံပေးလွှတ်လိုက်မှပဲ ချက်ချင်းကြီးကို ပြုံးဖြီးပြီး အငိုတိတ်သွားတာဖြစ်၏။
အိမ်ကလိုက်ပို့တဲ့ကားပေါ်ကဆင်းလာပြီးပြီးချင်း ဝမ်ရိပေါ် သူ့လွယ်အိတ်ကို လက်ကနေအထာကျကျကိုင်ဆွဲထားပြီး ကျန့်ကျန့်၏ လွယ်အိတ်ကိုတော့ ပုခုံးတစ်ဖက်ပေါ်မှာတင်၍ ထားသည်။ လွယ်အိတ်နှစ်လုံးကို တစ်ပြိုင်တည်းဆွဲထားပေမယ့် ဝမ်ရိပေါ်၏ ပုံစံက မိမိုက်နေဆဲ။
ပထမဦးဆုံးနေ့ဖြစ်တာကြောင့် ကျန့်ကျန့် သူ့မေဂျာဌာနရှိရာကို မသွားတတ်ဘဲလမ်းပျောက်မည်စိုး၍ဝမ်ရိပေါ်က ကိုယ်တိုင်ကိုယ်ကျလွယ်အိတ်သယ်ကာ လိုက်ပို့နေခြင်းဖြစ်သည်။
ကျောင်းဝန်းထဲမှာ နာရီဝက်လောက်ဟိုလျှောက်ဒီလျှောက် လုပ်နေရင်းနောက်ဆုံးတော့ ကျန့်ကျန့်တို့ မေဂျာရှိရာ ကျောင်းဆောင်သို့ရောက်လာသည်။ သို့သော် ဝမ်ရိပေါ်က ကျန့်ကျန့်ကို အရင်မဝင်စေသေးဘဲ ထိုကျောင်းဆောင်၏ အပေါ်ထပ်က ဌာနအကြီးအကဲရှိရာသို့ သူနဲ့အတူတူလိုက်စေသည်။ကျန့်ကျန့်ကလည်း စောဒကတစ်ခုမှမတက်ဘဲ ဝမ်ရိပေါ်နောက်သာတကောက်ကောက်။
YOU ARE READING
Piggy Bank
Fanfictionစုဘူးလေး မပြည့်ခင်မှာ ထွက်သွားတယ်။ စုဘူးလေး ပြည့်ခါနီးမှာ ပြန်ရောက်လာတယ်။ ရိပေါ်က သိပ်ဆိုးတယ်..... ဒါပေမယ့် ရိပေါ်ကို ကျန့်ကျန့် ချစ်တယ်။