"ရိပေါ်...ရိပေါ် ကျန့်ကျန့်လည်း လိုက်ချင်တယ်..."
"လိုက်လို့မရဘူးလို့ ပြောပြီးသားကို ကျန့်ကျန့်..."
ဝမ်ရိပေါ်က လည်သာဂျာကင်ကိုဝတ်နေရင်းကျန့်ကျန့်ကိုပြန်ဖြေလိုက်၏။ သူ့အိမ်အောက်ထပ်မှာ ရှန်၊ဇန် နဲ့ရစ်ကီတို့က Day Club ကိုသွားဖို့လာထိုင်စောင့်နေကြတာဖြစ်သည်။
"ရိပေါ် ကျန့်ကျန့်လိုက်ချင်လို့ဆို..."
"ကျန့်ကျန့်ပြောရင်နားထောင်...ပြီးရင် ထုပ်ထုပ်ဆီဝင်ပို့ပေးခဲ့မယ်..."
"မရဘူး ကျန့်ကျန့်လိုက်ချင်တာ..."
"ကျန့်ကျန့်...! "
ဝမ်ရိပေါ်အသံနည်းနည်းမာသွားသည်။ ထို့ကြောင့် ကျန့်ကျန့်က ငိုမဲ့မဲ့ဖြင့်...
"ကျန့်ကျန့်ကကျ ဘာလို့လိုက်လို့မရတာလဲ ရိပေါ်တို့ကျသွားပြီးတော့..."
"မတူဘူး ကျန့်ကျန့်..."
ဝမ်ရိပေါ် ဘေးကတစာစာအော်နေသည့်တစ်ယောက်ကို ပုခုံးလေးကနေကိုင်ကာ...
"ကျန့်ကျန့်နေခဲ့နော်...ငါ ညကျရင်ပြန်လာမှာ ငါပြန်လာတဲ့အချိန်ကျရင် ခြံထဲက ခုံလေးမှာထိုင်စောင့်နေ...ဒီညမင်းလိုချင်တဲ့အဖြေကိုငါပေးမယ်..."
ကျန့်ကျန့်၏ မျက်လုံးလေးများ တဖျတ်ဖျတ်တောက်ပသွားရပြီး...
"တကယ်လား ရိပေါ်..."
"တကယ်ပေါ့..."
"အင်းအင်း ကျန့်ကျန့်စုဘူးလေးကိုင်ပြီး ရိပေါ်ကို ထိုင်စောင့်နေမယ်နော်..."
"စောင့်နေ...ပြီးတော့ အင်္ကျီလှလှလေးလည်း ဝတ်ထား..."
"အင်းအင်း..."
ခေါင်းတဆတ်ဆတ်ညိတ်ပြရင်းကျန်ခဲ့တဲ့ တစ်ယောက်ကို နဖူးလေးနမ်းလိုက်ပြီးဝမ်ရိပေါ် အောက်ထပ်ကိုဆင်းလာသည်။ဝမ်ရိပေါ် ဆင်းလာတာမြင်သည်နှင့် ဇန်က...
"ဗျို့ ကလေးအဖေကြီး...ဆင်းလာသေးတယ်ပေါ့ ငါတို့က ဒီနေ့သွားမှသွားဖြစ်ပါ့မလားလို့..."
ဝမ်ရိပေါ်က သူ၏ ဆံပင်များကို လက်နဲ့ထိုးသပ်လိုက်ပြီး...
"အပိုတွေပြောမနေနဲ့ သွားရအောင်...မနည်းချော့ပြီး ချန်ထားခဲ့ရတာ...ငါ့အဖေအလုပ်ကပြန်မလာခင် အိမ်ပြန်ရောက်မှရမယ်...မဟုတ်ရင် တစ်ညလုံးထိုင်ပွားနေလိမ့်မယ်..."
YOU ARE READING
Piggy Bank
Fanfictionစုဘူးလေး မပြည့်ခင်မှာ ထွက်သွားတယ်။ စုဘူးလေး ပြည့်ခါနီးမှာ ပြန်ရောက်လာတယ်။ ရိပေါ်က သိပ်ဆိုးတယ်..... ဒါပေမယ့် ရိပေါ်ကို ကျန့်ကျန့် ချစ်တယ်။
