Unicode
" ကျနော်မလိုက်နိုင်ဘူးဗျ "
မြတ်သူဟိန်းရဲ့ စကားအဆုံးကျစ်ယီရဲ့
မျက်နှာမှာ
စိတ်ပျက်မှုတွေအထင်းသားပေါ်လာသည်။* ဘာတဲ့လဲ *
* မလိုက်နိုင်ဘူးတဲ့ *
* လစာလိုချင်သလောက်ပေးမယ်လို့
ပြောလိုက် *လျော့မယ့်ပုံမပေါ်တဲ့ လျှန်ချိုးကြောင့်
ကျစ်ယီစိတ်ညစ်ရပြန်သည်။ဘယ့်နှယ် တရုတ်စကားမတတ်တဲ့သူကို
တရုတ်ပြည်ခေါ်တာ
ဘယ်သူက လိုက်ချင်မှာတဲ့လဲ .......ပြီးတော့ အခုမှသိတဲ့သူတွေလည်း
ဖြစ်နေတာကို သကောင့်သားက
ဇွတ်ဆိုမှဇွတ်ဖြစ်နေတော့တာပဲ ......." ကိစ္စမရှိတော့ရင် ကျနော်ပြန်တော့မယ်ဗျ "
" နေ... နေပါဦး ခဏလေးပါ "
သူပြောတော့ New World ကုမ္ပဏီပိုင်ရှင်က
ပြာပြာသလဲ ထတားလာသည်။ဟိုတရုတ်ကြီးကတော့
မျက်နှာကြီးမော်ထားလျက်
တစ်လောကလုံးကို ဘာမထီတဲ့ရုပ် ......." မြန်မြန်ပြောပါဗျ .....
ရုံးကားနဲ့လာရတာမို့ ကြာနေရင်
မကောင်းတတ်လို့ပါ "" အေး အေးပါကွာ .....
ဒါနဲ့ ညီလေးက အကိုတို့ကမ်းလှမ်းချက်ကို
ဘာလို့ငြင်းတာလဲ.....
ဘာသာစကားအခက်အခဲကြောင့်ဆို
အကိုတို့ဘက်က သင်တန်းထားပေးမှာပါ .....
လစာကလည်း အကိုတို့မှာရှိတဲ့
Special Bodyguardတွေရဲ့ လစာအတိုင်း
တစ်လကို စာရိတ်ငြိမ်း ယွမ် ၁၀ဝဝ၀ဝ ရမယ် .... "" အကိုတို့ကို အားနာပါတယ် ......
ကျနော်တကယ်လိုက်လို့ အဆင်မပြေလို့ပါ....
ကျနော့်အမေက အသက်ကြီးနေပြီ ....
တစ်ခုခုဆို အမေ့မှာအားကိုးစရာ
ကျနော်ပဲရှိတာ .....
ရေခြားမြေခြားမပြောနဲ့
ဒီမန္တလေးထိတောင်မလွှဲသာလို့လာရတာ ...
ရွာမှာသာ အလုပ်ရှိရင်
ဒီထိလာဖြစ်မယ်မထင်ဘူး ....... "" ညီလေးက ဘယ်နယ်ကလဲ "
" မင်းဘူးဘက်ကပါ "
" ဪ "
ကျစ်ယီ ထိုမျှသာပြောလိုက်ပြီး
လျှန်ချိုးနားလည်အောင် အကျဥ်းချုံး
ဘာသာပြန်ပြလိုက်သည်။