Unicode
" ဘယ်တုန်းစပြီးက သူများစကားကို
နားထောင်တတ်သွားတာလဲ Baby .... "အသံကြောင့် တံခါးဖွင့်ဖို့ပြင်နေတဲ့
ချောက်ချွမ်လက်တွေ တွန့်ကနဲ ...." အကိုကြီး !! "
" တရုတ်ကိုပြန်ရောက်နေရဲ့သားနဲ့
ဘာလို့အကိုကြီးဆီမလာတာလဲ .... "အကိုဖြစ်သူရဲ့စကားကြောင့်
လျှန်ချိုး မျက်နှာစူပုတ်ကာ တစ်ဖက်ကို
လွှဲလိုက်မိသည်။" စိတ်ကောက်နေတုန်းလား "
" ကျနော် ကလေးမဟုတ်တော့ဘူး !! "
ကျန်းသခင်ကြီးက သူ့ညီပုံစံကြောင့်
သဘောတကျရယ်ရင်း" အခုတော့အချိန်လင့်နေပြီ ....
မနက်ကျ အတူထမင်းစားရအောင် ... "" ဟုတ်ကဲ့ "
" အခုသွားနားတော့ "
" အကိုကြီး သူ .... "
" အကိုကြီး ရှင်းလိုက်မယ် "
လျှန်ချိုးက မထွက်သွားသေးတဲ့
ချောက်ချွမ်ကိုကြည့်ကာ
မေးဖို့ပြင်လိုက်ပေမယ့် ကျန်းသခင်ကြီးက
ဖြတ်ပြောလိုက်တာကြောင့်
လိုရင်းမရောက်လိုက်။အကိုဖြစ်သူရဲ့မျက်နှာပေါ်က
အရိပ်တွေကြောင့်
လျှန်ချိုးထွက်သွားဖို့သာ တွေးလိုက်သည်။" ဂရုစိုက်ပါ အကိုကြီး ....
ဒဏ်ရာကိုလည်း မေ့မနေပါနဲ့ .... "ကျန်းသခင်ကြီး
ပြုံး၍သာခေါင်းငြိမ့်ပြလိုက်သည်။" အနာကိုက်တာတွေ ဘာတွေဖြစ်ရင်
လှမ်းခေါ်လိုက်နော် "" ဟုတ်ပါပြီကွာ ... "
အကိုဖြစ်သူကို သေချာမှာကြားခဲ့ပြီးနောက်
လျှန်ချိုး တံခါးဖွင့်ကာ ထွက်လာလိုက်သည်။မလွန်ဆန်နိုင်လို့သာ သူထွက်လာရတာ
တကယ်ဆို အကိုဖြစ်သူကို စိတ်မချ။ထပ်ပြီး ထိခိုက်သွားမှာကို
စိုးရိမ်နေမိသည်။ချောက်ချွမ်အပေါ် သည်းခံနေခြင်းကိုလည်း
သူ့အနေနဲ့ မချိတင်ကဲဖြစ်မိသည်။သူ့အကိုဆိုတာ
တော်ရုံသည်းခံတတ်တဲ့ သူမှမဟုတ်တာ။သူနဲ့သူ့မိသားစုကိုထိလာရင်
အဲ့လူကို ကမ္ဘာဆုံးထိမြေလှန်ရှာပြီး
အမှုန့်ချေပစ်တတ်တာမျိုး ....