မဟာတစ်ယောက် ဆိုဖာပေါ်တွင် ခပ်လျှောလျှောထိုင်ကာ မူးယစ်ဆေးပါသော Cigarettes အားဖွာရှိုက်နေ၏။တစ်ချက်တစ်ချက် သူ့၏မျက်လုံးများကလည်း နံရံတွင်ကပ်ထားသည့် နာရီပေါ်သို့ ရောက်သွားတတ်သည်။ငါးမိနစ်လောက်ကြာပြီးနောက်တွင် မဟာ့ တိုက်ခန်းတံခါးထံမှ ဘဲလ်တီးသံ မြည်လာ၏။ထို့ကြောင့် မဟာလည်း Cigarettes အား ဖွာရှိုက်နေရင်းပင် တံခါးထံသို့ ခြေလှမ်းကျဲကြီးများဖြင့် လျှောက်သွားလိုက်ပြီး တံခါးဖွင့်ပေးလိုက်၏။မဟာတံခါးဖွင့်ပြီးပြီးချင်း မြင်လိုက်ရသည်က လက်ထဲတွင် အထုတ်ပေါင်းများစွာ ဆွဲလာသည့် သူ့လူယုံဇာမ်။
"ငါမှာတဲ့ဟာ အကုန်ပါလား "
"ပါပါတယ် သခင်လေး"
"အင်း ပြန်နားလို့ရပြီ"
ဇာမ်တစ်ယောက် သခင်လေးပြောသည့်စကားအား ခေါင်းတစ်ချက်ငြိမ့်ပြကာ Condo ရှေ့မှ ထွက်လာလိုက်ပြီး Elevator ဖြင့် မြေညီထပ်သို့ ဆင်းလာလိုက်သည်။
****
ဇာမ်တစ်ယောက် ပြန်သွားပြီးနောက်တွင် မဟာ တံခါးအား သေချာပိတ်ကာ အထုတ်များအားဆွဲ၍ မီးဖိုခန်းထဲသို့ ဝင်လာလိုက်သည်။မီးဖိုခန်းထဲရောက်ရောက်ချင်း ထိုအထုတ်များထဲတွင် ပါသော အရာများအား ပန်းကန်များထဲသို့ သေချာထည့်လိုက်သည်။
ကြက်ကြော်နှင့် ဘီယာဘူးများအား သပ်သပ်စီထား,ထားပြီးနောက် ဝယ်လာသည့်အချိန်ကြာမြင့်သွားသောကြောင့် အနည်းငယ် အေးအေးစက်ဖြစ်နေသည့် ကြေးအိုးအား အပူပေးစက်တွင် ပြန်၍ အပူပေးလိုက်သည်။
ပြီးနောက် စတော်ဘယ်ရီဖျော်ရည်အား ဖန်ပုလင်းလေးထဲတွင် သေချာထည့်ပေးကာ အအေးခန်းထဲသို့ ပြန်အအေးခံထားပေးလိုက်သည်။အကုန်လုံးအဆင်သင့်ဖြစ်ပြီဆိုမှ သူ့ခြေလှမ်းများက အိပ်ခန်းထဲတွင် အိပ်နေသော ခွန်းအလင်္ကာမှူးထံသို့။***
အိပ်ခန်းထဲရောက်ရောက်ချင်း သူ့အား ကျောပေးကာ ကုတင်ထက်တွင် အိပ်နေသည့်သူနားသို့ ခြေလှမ်းခပ်ဖွဖွလှမ်း၍ သွားလိုက်သည်။ကုတင်နားရောက်တော့ ဘေးတစ်စောင်း ဝင်ထိုင်လိုက်ပြီး နားထင်ရှိမှည့်နက်ကလေးအား နမ်းရှိုက်လိုက်သည်။အိပ်နေသူက လူးလွန့်လာပြီဖြစ်သောကြောင့် မဟာ ခပ်တည်တည်ဖြင့် မတ်တပ်ရပ်ကာ လက်ကို နောက်ပစ်ထားပြီး ပြောလိုက်မိသည်။
YOU ARE READING
My Possessive Husband Is A Non_list Billionaire(Complete)
Fantasyစဝ်ဈာန်မင်းမဟာမြတ်_ဒီနိုင်ငံရဲ့ ဥပဒေကို ငါပဲ ထိန်းချုပ်ထားတာ ! ခွန်းအလင်္ကာမှူး_မင်းဟာမင်း ဘာကြီးပဲ ထိန်းချုပ်ထိန်းချုပ် ငါ့ကို ထိန်းချုပ်လို့ ရမယ် မထင်နဲ့ start date-9.7.2022 End date -1.11.2022