ဗီလိန်က ပက်ပက်စက်စက်ကို လှလွန်းတယ်! [Mmtranslation]

Ch.(14) အကဲခတ်ခြင်း

ထောင်ချောက်၊ ထောင်ရှန်း၊ မိန်းမလျာ

သားရဲလူသည် ချိနဲ့နေပြီဖြစ်ပြီး ယခုတော့ သူ့နှလုံးသားလည်း တုန်လှုပ်နေကာ သူ့စိတ်က မတည်မငြိမ်ဖြစ်နေသည်။ ထို့အပြင် ရွှီရှင်းကျီသည် ဓားမြှောင်ကို အသုံးပြု၍ အက်ကွဲကြောင်းတစ်ခု လုပ်လိုက်ကာ ထိုအက်ကွဲကြောင်းသည် ကီလိုမီတာထောင်ပေါင်းများစွာအထိ နစ်မြုပ်သွားခဲ့သည်။ ယခု သူ၏အခြေအနေမှာ လုံးဝမျှော်လင့်ချက်ကင်းမဲ့နေကြောင်း သိလိုက်ရပြီးနောက် အမြန်သာသေလိုသော ဆန္ဒရှိခဲ့သည်။

သူက "အပိုင်းအစကို ကိုယ်နဲ့မကွာဆောင်ထားတာ၊ အဲ့ဒါ ငါ့ခန္ဓာကိုယ်မှာ"

ရွှီရှင်းကျီ နှင့်ကျိုးဝမ့် အကြည့်ချင်းဖလှယ်ပြီးနောက်၊ ကျိုးဝမ့်သည် သူမ၏ခြေဖဝါးကို မြှောက်ကာ ဓားမြှောင်ကို သားရေဖိနပ်ရိုးထဲသို့ ပြန်ထည့်လိုက်သည်။

ရွှီရှင်းကျီက အလျင်မလိုစွာဖြင့် "မင်းအပိုင်းအစကို ဘယ်မှာဝှက်ထားတာလဲ?"

သားရဲလူက “ငါ့ခန္ဓာကိုယ်ထဲမှာ မြှုပ်ထားတယ်၊ ဗိုက်နားမှာ” ဟု ပြန်ဖြေ၏။

ရွှီရှင်းကျီ မျက်ခုံးပင့်လိုက်ပြီး “...အသေအချာကို အစွမ်းကုန်လုပ်ထားတာပဲ"

ရှုထောင့်ကြောင့်လား မသိသော်လည်း သားရဲလူ၏ အပြုံးသည် ထိုအချိန်တွင် အနည်းငယ် စိတ်မချပုံပေါ်သည်- "ဒီတောကြီးထဲမှာ အစွမ်းကုန်မကြိုးစားရင်၊ အရိုးတောင်ရှာမတွေ့ဘဲ သေသွားတာကြာပြီ။ ဒီသော့အပိုင်းအစထဲနဲ့တင် စွန့်ပစ်မြေပြင်ကလွတ်မြောက်ချင်နေတဲ့ အဖွဲ့တွေကို ဆွဲဆောင်နိုင်တယ်။ ငါဘယ်လိုလုပ် သေချာမဝှက်ထားလို့ ရမှာလဲ?"

ရွှီရှင်းကျီ စကားမပြောမီ ကျိုးဝမ့်က သူမပြန်ထည့်လိုက်သော အေးစက်သော သံဓားမြှောင်ကို ဆွဲထုတ်နေပြီဖြစ်သည်။

ရွှီရှင်းကျီက သူ့လက်ကို ဆန့်ထုတ်လိုက်ပြီး "မင်းဘာလုပ်နေတာလဲ?"

"သော့ကို ခွဲထုတ်မလို့လေ" ကျိုးဝမ့်က သားရဲလူထံ ချဉ်းကပ်ပြီး "ကျွန်မဦးလေးနဲ့ ခေါင်းကိုင်အဖေ ဒါကိုရှာနေတာ 13နှစ်ရှိပြီ"