[Unicode]
" အစ်ကို့ကို ဒီဆိုင်က ကြိုးကျစ် လက်ပတ်ကလေး ပေးချင်လို့ "
ကော်ဖီဆိုင် ဘေးတွင် ဖွင့်ထားသည့် ဒီကြိုးကျစ် ဆိုင်လေး အကြောင်းကိုလည်း ဆိုင်ကို Review ရေးပေးထားသည့် ပေ့ခ်ျမှ တိမ်ယံ တွေ့ထားတာ ဖြစ်သည်။
စတွေ့ချိန်တည်းက ထိုနေ့ သွားလျှင် အစ်ကို့အတွက် ကြိုးကျစ်လက်ပတ်ကလေးကို ကိုယ်တိုင် လုပ်ပေးမည်ဟု တွေးထားခဲ့တာဖြစ်သည်။
" တိမ်ယံ ရွေးပေးမှာလား "
ဆိုင်မှ ကြိုးကျစ်တွေ အများကြီးကို လှမ်းကြည့်ရင်း မေးလာတဲ့ အစ်ကို့ကို တိမ်ယံ ခေါင်းခါပြလိုက်၏။
" မဟုတ်ဘူးဗျ ... ကျွန်တော် ကိုယ်တိုင် ကျစ်ပေးမှာ "
အစ်ကိုသည် အံ့ဩသွားသလို လှည့်ကြည့်လာခဲ့ပြီးနောက် မေးလာသည်။
" တိမ်ယံ ကျစ်တတ်တယ်ပေါ့ "
" ကျွန်တော် ဗွီဒီယို ကြည့်ထားတယ်လေ ... အပြင်မှာတော့ မလုပ်ဖူးပါဘူး ... ဒါပေမဲ့ စိတ်မပူပါနဲ့ ... အဲ့ဆိုင်က ဦးလေးက သေချာ သင်ပေးတယ်တဲ့ ... ကျွန်တော် သွားမယ်နော် ... အစ်ကိုက ကားပေါ် သွားထိုင်နေပါလား ... အပြင်မှာ ပူတယ်လေ "
" ထိုင်စရာလားကွာ ... ကိုယ် တိမ်ယံ့ကို လိုက်စောင့်ပေးမှာပေါ့ ... ပြီးတော့ ရာသီဥတုကလည်း ဆောင်းရာသီနဲ့ လိုက်အောင် ထင်တယ် ... ဒီနေ့ သိပ်မပူပါဘူး "
" ဟုတ် အစ်ကို အဆင်ပြေတယ်ဆိုရင် ရတယ်ဗျ ... သွားကြရအောင် "
တိမ်ယံ ရှေ့မှ ဦးဆောင်၍ ဆိုင်နားသို့ သွားလိုက်ပြီး အစ်ကိုနှင့်အတူ ခုံပေါ်တွင် ကိုယ်စီ ဝင်ထိုင်လိုက်ကာ တိမ်ယံက ဆိုင်ရှင် ဦးလေးဆီမှ ကြိုးကျစ်နည်းကို ကြည့်လိုက်၍ စတင် လုပ်လိုက်၏။
" အစ်ကို ဘယ်လိုနေ ... အာ အစ်ကို ဓာတ်ပုံ ရိုက်နေတာလား "
တစ်ဝက်လောက်ပြီးတော့ တိမ်ယံ ဆိုင်ဘေးဘက်၌ ရပ်နေသည့် အစ်ကို့ကို လှမ်းပြချိန် ဓာတ်ပုံရိုက်နေသလို ဖုန်းကို ချိန်ထားသည့် အစ်ကိုကြောင့် တိမ်ယံမေးလိုက်သည်။
" ဟုတ်တယ် ... တိမ်ယံ ကိုယ့်အတွက် ကြိုးကျစ်ပေးနေတာဆိုပြီး အမှတ်တရပေါ့ ... တိမ်ယံ Upload လုပ်ချင်ရင်လည်း လုပ်လို့ရတယ်လေ "
![](https://img.wattpad.com/cover/325470988-288-k34892.jpg)
YOU ARE READING
Nephophile ( Completed )
RomanceA Lover Of Cloud ☁️ Own Creation Fiction 💙 ဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာဖြစ်သောကြောင့် တိုက်ဆိုင်မှု တစ်စုံတစ်ရာ ရှိခဲ့လျှင်နှင့် အမှားအယွင်း တစ်စုံတစ်ရာ ရှိခဲ့လျှင် ခွင့်လွှတ် နားလည်ပေးကြပါရှင့်။ ဤဇာတ္လမ္းပါ အေၾကာင္းအရာမ်...