Stuck With The Billionaire

Chapter Seventeen

Chapter Seventeen

Loyal

"Ikaw ah! Naglilihim ka na sa akin!" Suzy pouted "Nagtatampo na ako."

Binagga ko ang kanyang braso at ngumiti "Ito naman! Wala kaya akong tinatago sa'yo! Tsismis lang iyon, nagpapaniwala ka naman. Kanino mo ba nalaman 'yan?"

"Narinig kong pinag-uusapan ng halos lahat sa department natin. Pero si Kaye at Beatrice ang nagkwento sa akin."

Ang dalawang iyon talaga, basta tsismis ang bilis! Napa-iling ako "Walang katotohanan iyon, Suzy."

Sinasabi ko na nga ba na makakakuha ng atensyon ang nangyari kahapon, iyong eksena namin ni Sir Jerome sa elevator. Ayon kay Suzy, kalat daw sa halos lahat ng empleyado na may namamagitan sa amin ni Sir Jerome dahil sa kahapon. Oh how I wish na meron! Pero wala nga talaga.

"Pero kasi iba raw ang kinikilos ni Sir simula nang maging sekretarya ka niya." Nagkibit balikat si Suzanne "Matanong nga kita, saan ka naglunch kahapon?"

Kumunot ang noo ko sa kanyang tanong "Uh. Sa taas. Bakit?"

Hinampas ni Suzy ang mesa "OMG, bingo! Tumpak! Ikaw nga!"

"Anong ako nga?" tanong ko, naguguluhan.

"Sabi kasi ni Mang Rico, inutusan daw siya ni Sir Jerome na bumili ng lunch for two. For two, Winiata! Para kanino ang isa? Sa'yo!" pumalakpak pa siya habang kinikilig "Ang swerte mo, girl!"

Napa-ngiti rin ako sa narinig. Ginawa pala talaga ni Sir iyon. Nakakatuwa at nakakakilig! Pero hindi ko maiwasang mapa-isip kung alam ba ni Sir na pinagtsitsismisan kaming dalawa. Kung alam niya, ano kaya ang kanyang reaksyon?

"In fairness ha. Hindi ko na keriboom ang haba ng buhok mo! Finally, girl! Malapit na kayo ni Sir Jerome!" impit niyang bulong dahil baka may maka-rinig "Malay mo may chance na, tapos single rin pala siya!"

Nasa kalagitnaan kami ng pagkukwentuhan ni Suzy nng magring ang aking phone. Sinilip ko kung sino iyon at nakitang may demonyong tumatawag.

"Ooh." she said in a singsong voice "Ang mahal na señorito."

Umirap ako tsaka sinagot ang tawag "Hello?"

"Hey, honey." I heard him chuckling from the other line.

"Honey your face, Achilles. Anong kailangan mo?"

Hindi pa rin siya natapos sa paghalakhak "Sungit naman. PMS-ing? I just called to check on you, love."

Nanliit ang aking mga mata. Honey at love? Kadiri. "'Wag mo akong linlangin, Silvero, dahil hindi tumatalab. Ano nga, bakit ka tumawag?"

"Ice called. Sabi niya labas daw tayong lahat mamaya. Reunion or some sort 'cause Karlo is bragging. So I'll pick you up later, say six o'clock."

"Really? Tayong lahat?" hindi ko maitago ang saya sa boses ko "Saan daw?"

"Continental. Let's have dinner first before going there."

Tumango ako "Sige sige. I-text mo na lang ako mamaya."

"A'right. Bye, honey." Muli siyang tumawa bago binaba ang tawag.

Walang hiyang lalaki talaga! Ako ang lagi niyang iniinis, mapa-personal man o sa cellphone. Gosh, ang sarap niyang sapakin!

"Yie! Anong honey?" sinundot ni Suzy ang aking tagiliran kaya napa-kislot ako "Iyon na ba ang endearment niyo? Honey?"

I made face "Yuck ha. Wala kaming endearment."

"Asus, nagdeny pa!" Tumawa siyang pang-asar "Hindi ko tuloy malaman kung kanino ba ako boto e. Kay Sir ba o dyan kay Achilles. Pareho kasing gwapo!"