+ជាយក្រុង
«បងចាំខ្ញុំទីនេះសិនហើយខ្ញុំទៅធ្វើធុរៈបន្តិច» ធីងអឺ ចុះពីឡានតាស៊ីមុននឹងដើរចូលទៅខាងក្នុងផ្ទះចំណាស់មួយដែលនៅដាច់ស្រយាលពីឯង អ្នកមិនដឹងអាចនឹងគិតថាជាផ្ទះខ្មោចទៀត។
មកដល់កណ្ដាលផ្ទះមានមនុស្សប្រុសបួនប្រាំនាក់ស្លៀកពាក់ដូចជាជើងកាងអង្គុយផឹកស្រាស្រវឹងដេកលើដីសន្លប់មិនដឹងខ្លួន។
តូចតន់មិនខ្វល់ពីពួកគេហើយបន្តដំណើរទៅជ្រុងម្ខាងនៃផ្ទះដែលមានកាយតូចស្ដើងរបស់ ផាយ ដេកក្រាបនឹងដីជើងជាប់ច្រវ៉ាក់ដូចជាសត្វធាតុ។ ផ្ទៃមុខពោរពេញទៅដោយស្នាមជាប់បង្កឡើងពីការដាល់និងទះកំភ្លៀងព្រោះ ផាយ ទៅតមាត់ជាមួយពួកជើងកាងអស់នោះ។ ក្បាលមានបង់រុំរបួសកើតមកព្រោះ លីហ្វឹង វាយគេមួយថូផ្កាកាលពីថ្ងៃមុន។
ក្រោយប្រមូលបានឯកសារសំខាន់ហើយ លីហ្វឹង បានយក ផាយ មកទុកនៅទីនេះសិនបើរឿងដំណើរការទៅមិនល្អនឹងសម្លាប់នាយតូចចោលភ្លាម។
«ផាយ! ភ្ញាក់ឡើងពួកយើងគ្មានពេលច្រើនទេ» ម្រាមដៃស្រឡូនៗដូចបន្លាក្រូចលូកមកទះថ្ពាល់ ផាយ តិចៗ។
«ហ៊ឹម!?» ផាយ កម្រើកខ្លួនតិចៗថ្ងួចថ្ងូរព្រោះឈឺរបួសដែលមានលើដងខ្លួនព្រមទាំងផ្ទៃមុខ។ សំណាងណាស់ពួកអស់នោះវាគ្រាន់តែវាយដំមិនបានលូកលាន់គេឱ្យលើសលួសអ្វីបើមិនចឹងគេខាំអណ្ដាតខ្លួនឯងឱ្យស្លាប់ក្លាយជាខ្មោចតាមលងយកជីវិតពួកវាវិញមិនខាន។
«ដើររួចទេ?» ខណៈដែលអ្នកមកខាងទៀតដឹងខ្លួនហើយ ធីងអឺ រហ័សយកសោរមកចាក់ដោះច្រវ៉ាក់ចេញពីជើង ផាយ។ នាងជាអ្នកយក ផាយ មកឃុំដូចនេះហើយនាងក៏ដឹងថាសោរនៅទីណាដែរ។
«ធីងអឺ!?» ផាយ ហាក់មិនចង់ជឿនឹងភ្នែកថា ធីងអឺ មកជួុយខ្លួន។
«ខ្ញុំគ្មានពេលដែលត្រូវបកស្រាយទេពេលនេះពួកយើងត្រូវចាកចេញពីទីនេះសិន!»
«ខ្ញុំមិនជឿនាងទៀតទេ» គេធ្លាប់បោកម្ដងរួចទៅហើយវាធ្វើឱ្យនាយតូចស្ទាក់ស្ទើរក្នុងការជឿម្ដងទៀតណាស់។
«ផាយ ជឿលើខ្ញុំម្ដងទៀតណា! លើកនេះខ្ញុំមិនធ្វើអីនាយឡើយ»
«នាងមិនគួរឱ្យទុកចិត្ត»
YOU ARE READING
ភរិយាជំនួស {ចប់}
Fanfictionដោយសារតែចង់គេចពីការរៀបការ "ផាយ" បានទៅសុំជំនួយពីបងប្រុសភ្លោះគឺ "ភីត" ដោយឱ្យ "ភីត" មករៀបការជំនួស។ ការផ្លាស់ប្ដូរខ្លួននាលើកនេះនឹងធ្វើឱ្យមានរឿងជាច្រើនដែលមិននឹកស្មានដល់កើតឡើងទៅលើ "ភីត"។ វេកាស X ភីត ស្មេរ : ណេរីសសា ថ្ងៃចាប់ផ្ដើមសរសេរ : ៤ វិច្ឆកា គ.ស២០២២ ថ...
